Parlament • 15 Qańtar, 2021

Senat Tóraǵasy Parlamenttiń aldaǵy jumysyna pikir bildirdi

37 ret kórsetildi

Búgin VII shaqyrylymdaǵy Parlamenttiń 1-sessııasy óz jumysyn bastady. Sessııanyń ashylýynda Memleket basshysy jańartylǵan depýtattyq quramnyń aldynda turǵan mańyzdy mindetterdi belgilep berdi. Bul týraly Senat Tóraǵasy Máýlen Áshimbaev óziniń Facebook jelisinde toqtalyp ótti, dep habarlaıdy Egemen.kz

Elimizde qolǵa alynǵan áleýmettik-ekonomıkalyq jáne saıası reformalardyń ári qaraı jalǵasa beretinin naqty atap ótti.
 
Parlament Palatalarynyń birlesken otyrysynda Prezıdentimiz saıası reformalardyń kezekti toptamasyn jarııalady. Soǵan sáıkes saıası partııalardyń Májiliske ótý shegi 7-den 5 paıyzǵa deıin tómendetiledi. Bul kóppartııalyqty damytý jolyndaǵy mańyzdy qadam ekeni sózsiz. Odan bólek, saılaý bıýlletenderine «bárine qarsymyn» degen jazý engiziletin boldy jáne ákimderdi saılaý aıasyn keńeıtý úshin tıisti sharalar qabyldanady.
 
«Halyq únine qulaq asatyn memleket» tujyrymdamasyn iske asyrý maqsatymen onlaın-petısııa ınstıtýty zań júzinde resimdeledi. Mundaı shara azamattyq qoǵamnyń belsendiligin arttyratyny anyq.
 
Sonymen qatar Memleket basshysy Ombýdsmen týraly arnaýly zań qabyldaý qajettigin aıtty. Sot júıesin reformalaý jumystary da jalǵasa beredi. Munyń bári adam quqyǵyn qorǵaý máselesin jańa deńgeıge kóteretin naqty sharalar ekeni sózsiz.
 
Qasym-Jomart Kemeluly áleýmettik máselelerge de aıryqsha nazar aýdardy. Áleýmettik qamtamasyz etý baǵytyndaǵy memlekettik saıasat keshendi túrde jańǵyrtylady. Kómekke muqtaj azamattarǵa ataýly áleýmettik qoldaý kórsetý isi odan ári jandana túspek. Sondyqtan Parlament osy oraıdaǵy zańnamalardy jetildirip, tyń bastamalardy tabysty iske asyrýǵa quqyqtyq qoldaý kórsetedi.
 
Memleket basshysy densaýlyq saqtaý salasyn odan ári damytý qajet ekenin de atap ótti. Bul rette emdelýshilerdiń múddesi jáne olardyń densaýlyǵy basty nazarda bolýǵa tıis. Sol sebepti aldaǵy ýaqytta bul baǵytta aýqymdy jumys qolǵa alynady. Jastardy qoldaý, bilim berý isin jetildirý, maman daıarlaý jáne basqa da salalar boıynsha tıisti jobalar ázirlenip, júzege asyrylady.
 
Jalpy, búgin jarııalanǵan bastamalar Prezıdentimizdiń buǵan deıin qolǵa alǵan barlyq saladaǵy júıeli jańǵyrtýlarynyń laıyqty jalǵasy ekeni anyq. Bul sharalar saıası júıemizdi odan ári damytýǵa, sheshim qabyldaý úderisine azamattardyń kóptep qatysýyna jaǵdaı jasaýǵa jáne qazaqstandyqtardyń ómir súrý sapasyn arttyrýǵa arnalǵan.
 
Osy rette Senat atalǵan bastamalardy nátıjeli iske asyrý jumystaryn zańnamalyq turǵydan qamtamasyz etýge daıyn ekenin erekshe atap ótkim keledi. Sondyqtan senatorlar egemen elimizdiń ósip-órkendeýine qajetti zańdardy daıyndaý, talqylaý jáne qabyldaý barysynda jańadan saılanǵan Májilis depýtattarymen birlesip jumys isteıtin bolady.
Sońǵy jańalyqtar

Áýlıe ata hám uly jyraý

Rýhanııat • Búgin, 23:01

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar