Qazaqstan • 17 Qańtar, 2021

Nesıelendirý deńgeıi artyp keledi

41 ret kórsetildi

Bul joly ekonomkıany emes, nesıege táýeldi turǵyndardyń sanynda ósim bar. Al bizdiń kópshiligimiz bankterdiń aldynda esemiz ketip júrgenin ańǵara bermeımiz. Sarapshylardyń kómegine júgine otyryp, Egemen.kz  eldegi bank pen klıentter arasynda resimdelgen  nesıe mólsheri ıpotekany eseptemegende 320-350 myń teńgeni quraıtynyn zerttedi.

«Birinshi nesıe bıýrosy» JShS málimetteri boıynsha, búgingi tańda Qazaqstandaǵy ekonomıkalyq belsendi halyq sany 9,23 mıllıondy quraıdy, qoldanystaǵy nesıeleri bar qaryz alýshylar sany - 7,46 mıllıon, nesıesiz ómir súretin  halyq sany - 1,77 mıllıon nemese 19% ekonomıkalyq belsendi halyq. Demek Qazaqstan turǵyndarynyń árbir besinshisi ǵana nesıeden táýelsiz, basqasha aıtqanda  nesıe aýyrtpalyǵyn kótermeıdi eken. Qalǵanynyń bári bankter aldyndaǵy jaýapkershiliktiń qamytyn moınyna baılap júr. Onyń ústine nesıeniń ortasha mólsheri ıpotekany eseptemegende 320-350 myń teńgeni quraıdy. Aıtpaqshy, bul statıstıkada adamdardyń lombardtardyń qyzmetterin jáne baqylaýǵa bolmaıtyn basqa qarjy quraldaryn paıdalanatyndyǵy eskerilmegen. Sonymen qatar, bul málimetter qazaqstandyqtardyń kóp bóligi ózderi tapqannan góri kóp aqsha jumsaǵanyn kórsetedi. Basqasha aıtqanda nesıeni  bas aýyrtpaı, baltyrdy syzdatpaı, jaqsy ómirge jeteleıtin altyn kópir retinde qabyldaıdy. Respýblıkalyq kásipkerlerge kómek ortalyǵy bas dırektory Dmıtrıı Kazansev munyń bári taýar óndirýshilerdiń, satýshylardyń taýaryn ótkizý úshin    oılap tapqan jáne qoldanǵan marketıngtiń  jemisi ekenin aıtady.  Sondaı-aq jarnamalar bizdi qymbat taýarlardy satyp alýǵa májbúr etedi. D. Kazansevtiń paıymdaýynsha, nesıege táýeldiliktiń mundaı túrinen bas tartý qıyn, biraq joly bar.  Ol qaltańa nemese múmkindigińe qarap ómir súrý, basy artyq qarajatyndy depozıtke salyp, qalaǵan zatyńdy qolma-qol qarjymen satyp alýǵa beıimdelý.  

Kúnkóristiń tómendigi, tabyssyz qalǵan pandemııa kezinde aıqyn baıqaldy. Nesıege táýeldiliktiń shyrqaý shegine jetkenimizdi, bul memlekettiń №1 problemasy ekenin  bizge pandemııa baıqatty.  Nátıjesinde bizdiń eldiń azamattarynda kútpegen shyǵyndar men fors-majorlyq jaǵdaılardyń aldyn alatyn qaýipsizdik jastyqshasynyń joq ekeni, bul mindetti nesıe atqaryp kelgeni belgili bolyp qaldy.

Biz qazaqstandyqtarmen qarjylyq saýattylyq taqyrybynda birqatar is-sharalar ótkizdik, onda adamdardyń 90 paıyzdan astamy ózderiniń zeınetaqy jınaqtary jetkiliksiz dep jaýap berdi. Olar, shyn máninde, tek memleket olarǵa ne beretinine ǵana senedi. Qazaqstan Respýblıkasy Strategııalyq josparlaý jáne reformalar agenttiginiń Ulttyq statıstıka bıýrosynyń saıtynda habarlanǵandaı, aǵymdaǵy jyldyń qarasha aıynda ortasha jalaqy 211 myń teńgeni qurady. Biraq siz jáne biz bul óte ortasha mán ekenin jaqsy túsinemiz, óıtkeni halyqtyń kóp bóligi 120 myń teńgeden aspaıdy», - dep atap ótti Kazansev.

Biz qazaqstandyqtarmen qarjylyq saýattylyq taqyrybynda birqatar is-sharalar ótkizdik, onda adamdardyń 90 paıyzdan astamy ózderiniń zeınetaqy jınaqtary jetkiliksiz dep jaýap berdi. Olar, shyn máninde, tek memleket olarǵa ne beretinine ǵana senedi. Baıyǵymyzdy kókseıtin, dáýletti bolýdyń joldaryn izdeıtyn, bıznes-motıvatorlardyń trenıngterine qulaǵymyz túrik júretini shyndyq. Biraq tapqan qarajatymyzdy ózimiz basqaryp, qajetti baǵyttarǵa jumsaı almasaq, onyń quny kók tıyn. Sarapshylar qarjylyq saýattylyǵymyzdyń tómen deńgeıinen nesıege táýeldiliktiń leńgeıiniń artyp bara jatqanyna, tipti keıbir jelilik tamaqtandyrý oryndarynda kúndelikti tamaqty nesıege alyp jeıtinimizge alańdaı bastady.     Muny qazaqtyń qarapaıym tilimen aıtqanda esepsizdiń esesi kún saıyn ketetinemen teńestirýge bolady.

– Qazaqstan Respýblıkasy Strategııalyq josparlaý jáne reformalar agenttiginiń Ulttyq statıstıka bıýrosynyń saıtynda habarlanǵandaı, aǵymdaǵy jyldyń qarasha aıynda ortasha jalaqy 211 myń teńgeni qurady. Biraq siz jáne biz bul óte ortasha mán ekenin jaqsy túsinemiz, óıtkeni halyqtyń kóp bóligi 120 myń teńgeden aspaıdy », - dep atap ótti Kazansev.

Kazansev toby basshysynyń aıtýynsha, eshkim bizge de, ata-anamyzǵa da ózimizdi baqytty qarttyqqa daıyndap, aqshany utymdy jumsaýdy, únemdeýdi jáne ınvestısııalaýdy úıretti

– Batystyń damyǵan elderinde adamdar zeınetaqy máselesinde úkimettiń kómegine úmittenbeıdi. Mysaly, Amerıka Qurama Shtattarynda sábılerdi besikten bastap baqytty zeınetke aqsha jınaý, saqtaý jáne ınvestısııalaýǵa úıretedi. Bul bizdiń elden basty aıyrmashylyq. Nege ekeni belgisiz, kóptegen adamdar qartaıǵan kezde aqsha jınaý úshin orasan zor jalaqy qajet dep oılaıdy. Biraq is júzinde olaı emes. 80-100 myń teńgeniń jalaqysymen de adam aqsha jınaı bastaıdy jáne aqyr sońynda jaqsy somany jınaı alady. 10-20 jyldan keıin jaqsy qarajat jınaýǵa bolady. Biraq qandaı da bir sebeptermen bizdiń halqymyz uzaq merzimge boljaý men esepteýge daǵdylanbaǵan. Biz búgingi kún úshin ómir súrip jatyrmyz. Biz tym bolmaǵanda aldaǵy bes jylda jaǵdaıymyzdyń ne bolatynyna alańdap, soǵan qam jasap qoıýmyz kerek, – deıdi sarapshy.

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar