Aıtalyq, 2020 jyly Eýrokodtarǵa tolyq kóshý nátıjesinde 500-den astam qurylys normalary joıyldy. Osylaısha, 2025 jylǵa deıin aıaqtalatyn qurylys ındýstrııasyn tehnıkalyq retteý júıesin reformalaýdyń úshinshi qorytyndy kezeńi bastaldy. Eýrokodtarǵa ótý qurylys ındýstrııasyn eskirgen normatıvtik-tehnıkalyq bazanyń reformasymen úılestirý arqyly eýropalyq jáne álemdik júıelermen biriktirý qajettiligimen anyqtalady. Eýrokodtar – bul azamattyq ǵımarattar men qurylystardy jobalaýdyń eýropalyq tehnıkalyq standarttary. Ony Eýropalyq standarttaý komıteti sońǵy 30 jyl ishinde jasady. Standarttarǵa qurylys jobalary qurylymdardyń barlyq tıpine: bolat, temirbeton, aǵash, kirpish jáne alıýmınııge qoıylatyn talaptar kiredi.
«Qurylys kompanııalary mamandary Eýrokodtardy qoldanýdyń edáýir jeńildikterine ıe bolady. Olardyń básekege qabilettiligi artady, ınvestısııa tartý úshin kompanııalar Eýrokodtar qoldanylatyn sheteldik qurylys qyzmetteri naryǵyna shyǵa alady jáne bul álemniń 45-ten astam elinde qoldanylady. Sondaı-aq sheteldik kompanııalar Qazaqstan Respýblıkasynyń aýmaǵynda jobalaý jáne qurylys salasynda bizdiń mamandarymyzdy tarta alady», dedi Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov.
Qazaq qurylys jáne sáýlet ǵylymı-zertteý jáne jobalaý ınstıtýty («QazQSǴZI» AQ) Eýrokodtarǵa kóshýdiń jaýapty operatory boldy. Sońǵy 5 jylda QazQSǴZI mamandary eýrokodtarǵa 56 ulttyq qosymsha ázirledi, 3 myńǵa jýyq maman QazQSǴZI korporatıvtik ınstıtýtynda oqýdan ótti, 23 qanatqaqty joba Eýrokodtardy qoldaný arqyly júzege asyryldy.
2020 jyldyń qarasha aıynda TMD elderiniń qurylys qyzmetindegi yntymaqtastyq jónindegi úkimetaralyq keńesinde «QazQSǴZI» AQ mamandary jasaǵan Qazaqstan usynǵan qurylystaǵy jikteý men kodtaýdyń biryńǵaı júıesi maquldandy.
Jyl qorytyndysy boıynsha Qazaqstan usynǵan jer silkinisine tózimdi qurylys salasyndaǵy TMD elderi úshin normalardyń biryńǵaı modeli qarastyryldy.
