Koronavırýs • 18 Qańtar, 2021

Reseılikter jappaı vaksına salǵyzyp jatyr

322 ret kórsetildi

18 qańtardan bastap Reseıde ekpe ektirýge tilek bildergender úshin jappaı vaksınasııa bastalady. Reseılikter elde tirkelgen «Spýtnık V» nemese «Epıvakkorona» vaksınasyn tegin saldyra alady, dep habarlaıdy Egemen.kz TASS agenttigine silteme jasap.

2020 jyldyń 10 jeltoqsanynda  dárigerler, muǵalimder, sozylmaly aýrýlary bar adamdar jáne basqa da sanattaǵy azamattarǵa ekpe egilgen edi. Endi, mine, 18 qańtardan bastap elde jappaı vaksınasııa ótpek.

Infeksııamen kúres jónindegi jedel shtabty basqaratyn vıse-premer Tatıana Golıkovanyń aıtýynsha, koronavırýs ınfeksııasyna qarsy vaksınanyń shamamen 2,1 mln dozasy qańtar aıynyń sońyna deıin Reseıde azamattyq aınalymǵa túsedi. Vıse-premer sonymen qatar Reseıde halyqtyń ımmýnıtet deńgeıine qaramastan, halyqty koronavırýsqa qarsy tegin vaksınalaý úshin resýrstar bar ekenin aıtty. 

Qazir Reseıde koronavırýsqa qarsy eki vaksına tirkelgen. Onyń biri Gamaleıa ınstıtýty jasaǵan «Spýtnık V» jáne Vektor ǵylymı ortalyǵy jasaǵan «Epıvakkorona». Taǵy bir vaksınany ımmýnobıologııalyq preparattardy zertteý jáne damytý federaldy ǵylymı ortalyǵy jasap shyqty.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar