Almaty HQO-lary memlekettik qyzmetterdi qashyqtan alýǵa shaqyrdy

Qoǵam • 18 Qańtar, 2021

Almaty HQO-lary memlekettik qyzmetterdi qashyqtan alýǵa shaqyrdy

27 ret kórsetildi

Jańa jyl bastalǵaly beri Almaty HQO-laryna kelýshiler qatary kóbeıgen. Jyl jańaryp, qujattaryn da osy jylmen qaıta rásimdeıtinderdiń bári HQO-larǵa aǵylyp jatyr, dep habarlaıdy Egemen.kz.

Aınash ESALY

«Jyl saıyn qańtar aıynda áleýmettik sala boıynsha qyzmet alýshylar sany artady. Onyń sebebi, jyl basynda olardyń málimetteri qaıta jańartylady. Azamattardyń kópshiligi jyldyq esepterin tapsyrady. Jyl saıyn qańtarda rásimdeýmen aınalysqasyn, kópshiliginiń ESQ merzimi (bir jyl) de osy kezde bitetini belgili. Sondyqtan ESQ alýshylar da topty kóbeıtip HQO-da júredi. Túptep kelgende, ol qyzmetterdi HQO-ǵa kelmeı-aq ESQ-men (elektrondyq sandyq qoltańba) úıde otyryp alýǵa bolady. ESQ joq bolsa, ony da úıde otyryp alýǵa bolady. Sondyqtan, azamattardy óziniń jáne jaqyndarynyń qamy úshin, HQO-larǵa kelmeı-aq alǵandary jón», dep keńes beredi «Azamattarǵa arnalǵan úkimet» memlekettik korporasııasy Almaty qalasy fılıalynyń PR-menedjeri Jańyl Ápetova.

Al, ESQ-ny qashyqtan qalaı alýǵa bolatynyn, myna nusqaýlyq arqyly júzege asyrsańyzdar bolady.

ESQ-ny HQO-ǵa barmaı-aq qashyqtan qalaı alýǵa bolady?

Ol úshin:

* Qoldanystaǵy jeke kýáliktiń túpnusqasy nemese QR azamatynyń pasporty bolýy tıis;
* SMS-habarlamalardy alý múmkindigi bar telefon;
* Kompıýterińizde veb-kamera bolýy kerek;
* Kompıýterge NCALayer baǵdarlamasyn ornatyńyz.

Portaldyń basty betinde egov.kz "ESQ qashyqtyqtan alý"batyrmasyn basyńyz. Júıe kompıýterde veb-kameranyń bolýyn tekseredi. Qalqymaly terezede "Ruqsat etý" túımesin basyńyz.

Mobıldi azamattar bazasynda (MAB) telefon nómirińizdiń tirkelýin tekserý úshin JSN kórsetińiz. Tekserý sátti ótken jaǵdaıda 1414 nómirinen kelgen SMS-kodty (bir rettik qupııasóz) engizińiz;

Nazar aýdaryńyz! Eger siz buryn MAB-ta tirkelmegen bolsańyz nemese bir rettik paroldi almaǵan bolsańyz, júıe Sizdi jáne telefon nómirińizdi tirkeýdi/qaıta tirkeýdi usynady.

MAB-ta sátti tirkelgennen keıin júıe kompıýterde NCALayer baǵdarlamasynyń bolýyn tekseredi;

"ESQ alýǵa ótý" batyrmasyn basyńyz jáne qashyqtyqtan sáıkestendirý beti ashylady, onda MAB-ta tirkelgen telefon nómirin jáne SMS-kodty engizý qajet. Engizgennen keıin jeke basyn rastap, (Digital ID jasaý),"Bastaý" batyrmasyn basý qajet»;

Sizge selfı sýretin qosý terezesi ashylady. Bet-álpetińizdi ortadaǵy sheńberge "ornalastyryp", foto belgisine basyńyz. Selfı qosqannan keıin beıne sáıkestendirýdi ótý úshin "Jalǵastyrý" túımesin basyńyz;

Ári qaraı sizge beınesáıkestendirý terezesi ashylady, onda "Bastaý" túımesin basý kerek. Beınesáıkestendirý sátti ótkennen keıin akkaýntqa ári qaraı kirý úshin PIN-kodty oılap taýyp, "PIN-kodty ornatý" batyrmasyn basý qajet»;

Jeke kýáliktiń fotosýretin jasap, qosyńyz nemese faıldy júkteńiz jáne qupııasóz arqyly jeke kabınetke kirińiz;

Elektrondyq mekenjaıdy ótinishtiń elektrondyq nusqasyna qosyńyz jáne kiltti saqtaý ornyn tańdańyz, sodan keıin onyń ornalasqan jerin kórsete otyryp, ótinim jiberińiz;

Budan ári ESQ saqtaý úshin kiltter qoımasyna joldy kórsetińiz (papkany tańdańyz) jáne " Ashý " batyrmasyn basyńyz».

ESQ-da qupııasóz oılap tabyńyz jáne engizińiz jáne "sertıfıkattardy Júkteý" batyrmasyn basyńyz.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz