«Almaty Business – 2025» baǵdarlamasy aıasynda jasalǵan quraldar bıznesti júrgizý úshin qolaıly jaǵdaılar jasaýǵa, qarjylandyrýdyń qoljetimdiligin arttyrýǵa, ákimshilik kedergilerdi azaıtýǵa, kásipkerlerdi qoldaýǵa baǵyttalǵan. «Almaty Finance» uıymy 8 mlrd teńgeden astam somaǵa 42 jobany maquldady, júzden astam jumys orny quryldy.
«Almaty Finance» qaryzy (zaımy) qarajatty qolma-qol aqshaǵa aınaldyrǵany nemese ótinimdi qaraǵany úshin jasyryn komıssııalardy kózdemeıdi. Nesıe tek teńgemen, jeti jylǵa deıingi merzimge beriledi. Aınalym qarajatyn tolyqtyrýǵa qaryz merzimi 36 aıǵa deıin, ınvestısııalyq maqsattarǵa 84 aıǵa deıin. Eki syıaqy mólsherlemesi áreket etedi: 2% – maksımaldy qaryz somasy 70 mln teńge bolatyn ónerkásiptik parkte bıznesti iske asyratyndar úshin; jáne 6% – bıznestiń qalǵan baǵyttary úshin 500 mln teńgege deıingi nesıeleý lımıtimen.
«Isin jańa bastaǵan nemese jumys istep júrgen kásipkerlerdiń barlyǵy qarjylandyrý úshin «Almaty Finance»-qa júgine alady. Basty sharttardyń biri - joba tólemge qabiletti, iske asyrylatyn bolýy tıis. Jańa múmkindikter men memleket tarapynan bızneske kórsetilip jatqan belsendi qoldaý aıasynda megapolıs kásipkerlerin «Almaty Business-2025» baǵdarlamasy aıasynda usynylyp otyrǵan múmkindikterdi paıdalanýǵa shaqyramyn. Eger oqý qajettiligi bolsa nemese bıznes-jospardy daıyndaýǵa kómek qajet bolsa, «Qoldaý» kásipkerlik ortalyǵyna shaqyramyz», dedi ol.
Búginde nesıe jelileri 6,8 mlrd teńge somasyna 26 jobany qarjylandyrý úshin ashyq. Qarjy qarajaty myńnan astam túrli, sonyń ishinde COVID-19-ǵa zertteýler júrgizýge qabiletti jańa zerthana ashýǵa, kofe dánderin qýyrý sehyn qurýǵa, tigin sehyn iske qosýǵa, jıhaz jáne jıhaz fýrnıtýrasyn, metaldan jasalǵan buıymdardy, gıgıenalyq quraldardy, ortopedııalyq matrastar óndirýge, 200 oryndyq jalpy bilim beretin mektep salýǵa, IT-ındýstrııa salasyndaǵy jobalarǵa: elektrondyq tólemder men prosessıngtik qyzmetterdi uıymdastyrýǵa, úsh komponentti ıntegrasııalanǵan júıeni qurýǵa jáne taǵy basqasyna baǵyttalǵan.
