– Tamshylatyp sýarý – sýdy, sondaı-aq ósimdikterdi zııankesterden qorǵaıtyn agrohımııalyq tyńaıtqyshtardy tamyrǵa tikeleı ári birkelki jetkizý úshin qoldanylatyn óndiristik tásil. Qondyrǵy qaqpaqshalarynyń torymen qubyrlardyń, tútikterdiń kómegimen sý baıaý tamshylaıdy, – deıdi ónertapqysh oqýshy Qajymuqan Muqanov.
Ol Inder aýdanyndaǵy S.Seıfýllın atyndaǵy mektepte oqıdy. Sabaqtan tys ýaqytyn oqýshylardyń shyǵarmashylyq ortalyǵyndaǵy «Sheber» úıirmesinde ótkizedi. Úıirme jetekshisi О́tepqalı Násipqalıdyń aıtýynsha, Qajymuqan Muqanov – izdengish bala.
– Bizdiń úıirmemiz oqýshylardyń sabaqtan tys ýaqytyn tıimdi uıymdastyrý maqsatynda qurylǵan bolatyn. Munda oqýshylar óz qabiletin shyńdap, oıǵa alǵan jobalaryn iske asyrady. Sondaı oqýshynyń qataryndaǵy Qajymuqan Muqanov úıirmege 2017 jyldan beri qatysady. Aýdandyq, oblystyq saıystarda baq synap, túrli júldege ıe bolyp júr, – deıdi úıirme jetekshisi О́tepqalı Násipqalı.
Atyraý oblysy
