Pazardjık qalasynyń 28 jastaǵy turǵyny júktilik kezinde joǵary dene qyzýymen jáne qatty jótelmen aýrýhanaǵa túsken. Ol arnaıy synama ótkizgennen keıin, odan koronavırýs ınfeksııasy anyqtaldy.
Dárigerlerdiń sheshimimen áıelge kesirtiligi jasaldy. О́ıtkeni, vırýs plasentadaǵy ózgeristerdi týdyryp, balanyń ári qaraı damýyn báseńdetken. Sátti operasııadan keıin salmaǵy 2,75 keli jáne boıy 46 santımetr bolatyn shaqalaq ómirge keldi.
Jańa týǵan nárestege COVID-19 antıdeneleriniń bar-joǵyn anyqtaıtyn test jasaldy. Búginde balanyń densaýlyǵy jaqsy, olar ony anasymen birge aýrýhanadan shyǵarýdy josparlap otyr.
Buǵan deıin RF Prımorsk ólkesine qarasty densaýlyq saqtaý mınıstrliginiń juqpaly aýrýlar jónindegi shtattan tys bas mamany Anna Sımakova koronavırýsty juqtyrýdyń tikeleı joly – anadan balaǵa deıin áli dáleldenbegenin aıtyp ótti. A.Sımakova ananyń denesindegi antıdeneler árdaıym týylǵan kezde balaǵa beriletinin, olar bir jylǵa deıin antıdenege aınalatynyn atap ótti.
