Aımaqtar • 19 Qańtar, 2021

Almatyda koronavırýstyq indet juqtyrý 0,3%-ǵa jetti

38 ret kórsetildi

Búgingi tańǵa deıin Almaty qalasynda koronavırýstyq ınfeksııanyń 20 523 oqıǵasy tirkelse, onyń 12 843-i sımptomdy jáne 7680-i sımptomsyz. Bıylǵy jyldyń 18 qańtarynda 79 adamnyń indet juqtyrǵany tirkeldi. Onyń ishinde 59 jaǵdaı sımptomdy, 20 jaǵdaı sımptomsyz. Almatyda koronavırýstyq ınfeksııadan aıyqqandar sany - 18 484. Jalpy, ınfeksııanyń kúndelikti ósýi 0,3% quraıdy. Vırýstyń reprodýktıvtik kórsetkishi Almaty qalasynda 0,991 (respýblıka boıynsha-1,1) quraıdy.

Qańtar aıynyń sońǵy 2 aptasynda juqtyrý oryndary (bıylǵy 03-16 qańtar aralyǵynda): qoǵamdyq oryndarǵa barý – 40.1%; otbasynda KVI–men aýyratyn naýqaspen baılanys – 27.4%; qalalyq kólik – 22.8%; jumysta KVI–men aýyratyn naýqaspen baılanys - 5.6%; shet elderden jáne QR óńirlerinen ákelý - 2.6%. Juqtyrý jaǵdaılarynyń jas quramy: 20-39 jas – 34.7%; 40-59 jas - 28.7%; 60 jas jáne odan joǵary – 21.3%.

Qalanyń ınfeksııalyq stasıonarlarynda (1866 tósek) 763 pasıent bar, onyń ishinde 16-sy asa aýyr jaǵdaıda, 141 naýqastyń jaǵdaıy aýyr, 604 adamnyń jaǵdaıy ortasha aýyr, 2 - jeńil. Almaty ákimi Baqytjan Saǵyntaevtyń tapsyrmasymen ekinshi tolqynǵa daıyndyq aıasynda qala boıynsha tósek qýaty 7011 tósektik 23 kovıdti stasıonar (onyń ishinde 250 reanımasııalyq) daıyndaldy. Emhanalardy medısınalyq jabdyqtarmen jańartý jáne jete jaraqtandyrý júrgizildi. Eki jańa emhananyń qurylysy aıaqtaldy: 500 tósek-orynǵa arnalǵan ınfeksııalyq gospıtal; 300 tósek-orynǵa arnalǵan modýldik stasıonar. Osylaısha, sońǵy úsh aıda ınfeksııalyq tósek sany eki esege artty.

Sonymen qatar, alǵashqy medısınalyq-sanıtarlyq kómek uıymdarynyń jumysy kúsheıtildi. 73 emhanada 298 mobıldi brıgada jumys isteıdi. Medısına qyzmetkerleriniń qaýipsizdigi men daıyndyǵyna erekshe nazar aýdaryldy. Jeke qorǵanysh quraldarynyń qory quryldy. Epıdemııaǵa qarsy is-sharalarǵa tartylǵan medısına qyzmetkerlerinen basqa 2450 mamannan turatyn kadrlyq rezerv daıyndaldy.

Táýligine 14600 zertteý júrgizetin 23 PTR zerthana jumys isteıdi, bolashaqta 22 700 zertteýge deıin ulǵaıtý múmkindigi bar. Pandemııa bastalǵannan beri Almaty aýmaǵynda ornalasqan zerthanalarda barlyǵy 826 myń PTR zertteý júrgizildi. Sondaı-aq, táýligine 3 056 zertteý ótkizý qýaty bar 12 IFT zerthana jumys isteıdi.

Vırýsty syrttan ákelý jaǵdaılaryn tirkeý faktileri jalǵasýda. 2020 jylǵy 6 qazannan bastap osy jyldyń 18 qańtaryna deıin Almaty halyqaralyq áýejaıyna bortynda 109 724 jolaýshysy bar 773 reıs keldi. Onyń ishinde, COVID-19-ǵa teris nátıjesi bar anyqtamalarmen – 97430, anyqtamasyz – 12294, onyń ishinde PTR taldaýdy tapsyrǵannan keıin arnaıy karantındik stasıonarda 79 oń nátıje alyndy (Túrkııa-30 jaǵdaı., BAÁ-18 jaǵdaı., Egıpet – 23 jaǵdaı, Belarýs – 5, Ýkraına – 1, Maldıv-2). Qalanyń halyqaralyq áýejaıynda sanepıdbaqylaýdy kúsheıtý sharalary jalǵasýda. Sondaı-aq, anyqtamanyń joqtyǵynan 31 shetel azamaty keri qaıtaryldy. Qala áýejaıynda sanıtarlyq-epıdemııalyq baqylaýdy kúsheıtý boıynsha sharalar jalǵasýda.

Almaty ákimdigi Almaty turǵyndary men qonaqtaryn epıdemııaǵa qarsy sharalardy: áleýmettik qashyqtyqty, betperde rejımin saqtaýdy kúsheıtýge, sondaı-aq múmkindiginshe jabyq mekemelerge barýdan jáne uzaq ýaqyt bolýdan bas tartýǵa shaqyrady. COVID-19 naýqastarymen jáne jumys orny boıynsha baılanysta bolǵan adamdar úıde qalyp, tegin negizde tekserý úshin telefon arqyly emhanaǵa habarlasýy kerek. JRVI belgileri paıda bolǵan kezde dárigerdi úıge shaqyryp, zeınetkerlerge múmkindiginshe shuǵyl qajettilik týyndamasa úıden shyqpaý qajet.

Esterińizge sala keteıik, QR Densaýlyq saqtaý mınıstrliginiń málimetinshe, koronavırýs ınfeksııasyn juqtyrý jaǵdaılarynyń eń kóp tirkelýi naýryz aıynyń sońynda bolýy múmkin.

Anyqtama: álemde epıdemııalyq jaǵdaı ýshyǵa túsýde. Birqatar elder ınfeksııany juqtyrý jaǵdaılarynyń ósýine jol bermeý úshin qosymsha sharalar engizýde. Mysaly, Ońtústik Koreıa úkimeti áleýmettik alystaý deńgeıin taǵy eki aptaǵa uzartty. 15 aqpanǵa deıin azamattarǵa COVID-19 taralýynyń jalǵasýyna baılanysty shetelge saparlardy boldyrmaý nemese keıinge qaldyrýdy usynady. Jeksenbide Avstrııa Úkimeti Ulttyq karantındi 7 aqpanǵa deıin uzartatynyn jarııalady. Ulybrıtanııa 18 qańtardan 15 aqpanǵa deıin koronavırýstyń jańa shtamdarynyń ákelinýine jol bermeý úshin barlyq týrıstik dálizderdi jabýda.

Sońǵy jańalyqtar

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar