Bild gazetiniń málimetinshe, elde respıratorlardy mindetti túrde taǵý týraly sheshim seısenbide qabyldanýy múmkin. Sondaı-aq Germanııa kansleri Angela Merkel federaldy jerlerdiń basshylarymen koronavırýstyń jańa shtamdaryna baılanysty karantın sharalaryn kúsheıtýdi talqylaıdy. Atap aıtqanda, komendanttyq saǵat engizilip, qoǵamdyq kólikterdiń jumysy shektelýi múmkin, kásiporyn qyzmetkerleri tolyǵymen qashyqtan jumys isteýi yqtımal.
Atalǵan elde 16 jeltoqsannan beri qatań karantındik sharalar engizilgen. Munda azyq-túlik jáne turmystyq taýarlardy satatyn dúkenderden basqa barlyq saýda oryndary jabylǵan. Shashtarazdar, murajaılar, teatrlar, sulýlyq salondary jumys istemeıdi, oqýshylar qashyqtan oqyp jatyr.
