Sonymen jańa jyldyń ar jaq, ber jaǵyndaǵy qydyrystar kóp uzamaı-aq «nátıjesin» bere bastady desek te bolady. Epıdemııalyq ahýal kúrdelene kele, 15 qańtarda Almatyda 131 adamnyń indet juqtyrǵany anyqtaldy. Odan keıingi kúnderde indet juqtyrý saıabyr tapqandaı kóringinemin, jaǵdaı máz emes.
Álemde de epıdemııalyq jaǵdaı ýshyǵa túsýde. Birqatar el indettiń órshýine jol bermeý úshin qosymsha sharalar engizýge májbúr bolyp otyr. Mysaly, Ońtústik Koreıa úkimeti áleýmettik alystaý deńgeıin taǵy eki aptaǵa uzartty. 15 aqpanǵa deıin azamattarǵa COVID-19 taralýynyń jalǵasýyna baılanysty shetelge saparlardy boldyrmaý nemese keıinge qaldyrýdy usynady. Jeksenbide Aýstrııa úkimeti ulttyq karantındi 7 aqpanǵa deıin uzartatynyn jarııalady. Ulybrıtanııa 18 qańtardan 15 aqpanǵa deıin koronavırýstyń jańa shtammdarynyń ákelinýine jol bermeý úshin barlyq týrıstik dálizdi jabýda.
Almatyǵa oralatyn bolsaq, búginge deıin qalada koronavırýs ınfeksııasynyń 20 523 oqıǵasy tirkelse, onyń 12 843-i sımptomdy jáne 7680-i sımptomsyz. Sońǵy málimetterge sáıkes, 18 qańtarda 79 adamnyń indet juqtyrǵany tirkeldi. Onyń ishinde 59 jaǵdaı sımptomdy, 20 jaǵdaı sımptomsyz. Almatyda koronavırýs ınfeksııasynan aıyqqandar sany – 18 484. Jalpy, ınfeksııanyń kúndelikti ósýi 0,3%-dy quraıdy. Vırýstyń reprodýktıvtik kórsetkishi Almaty qalasynda 0,991 (respýblıka boıynsha – 1,1) qurap otyr.
Qazir qalanyń ınfeksııalyq stasıonarlarynda 763 pasıent bar, onyń ishinde 16 adamnyń jaǵdaıy óte aýyr, 141 naýqastyń jaǵdaıy nashar, 604 adamnyń jaǵdaıy ortasha, 2 pasıent jeńil. Qala ákimi Baqytjan Saǵyntaevtyń tapsyrmasymen ekinshi tolqynǵa daıyndyq aıasynda qala boıynsha tósek qýaty 7 011 tósektik 23 kovıdti stasıonar (onyń ishinde 250 reanımasııalyq) daıyndalǵan. Emhanalardy medısınalyq jabdyqtarmen jańartý jáne jete jaraqtandyrý júrgizildi. Eki jańa emhananyń qurylysy aıaqtaldy. Bular – 500 tósektik orynǵa arnalǵan ınfeksııalyq gospıtal men 300 tósektik orynǵa arnalǵan modýldik stasıonar. Osylaısha, sońǵy úsh aıda ınfeksııalyq kereýet sany eki esege artty.
Sonymen qatar, alǵashqy medısınalyq-sanıtarlyq kómek uıymdarynyń jumysy kúsheıtildi. 73 emhanada 298 mobıldi brıgada jumys isteıdi. Medısına qyzmetkerleriniń qaýipsizdigi men daıyndyǵyna erekshe nazar aýdaryldy. Jeke qorǵanysh quraldarynyń qory quryldy. Epıdemııaǵa qarsy is-sharalarǵa tartylǵan medısına qyzmetkerlerinen basqa 2 450 mamannan turatyn kadrlyq rezerv daıyndaldy.
Táýligine 14 600 zertteý júrgizetin 23 PTR zerthanasy jumys isteıdi, bolashaqta 22 700 zertteýge deıin ulǵaıtý múmkindigi bar. Pandemııa bastalǵannan beri Almaty aýmaǵynda ornalasqan zerthanalarda barlyǵy 826 myń PTR zertteý júrgizildi. Sondaı-aq táýligine 3 056 zertteý ótkizý qýaty bar 12 IFT zerthana jumys isteıdi.
О́kinishke qaraı indetti syrttan ákelý jaǵdaılaryn tirkeý faktileri jalǵasýda. 2020 jylǵy 6 qazannan bastap osy jyldyń 18 qańtaryna deıin Almaty halyqaralyq áýejaıyna bortynda 109 724 jolaýshysy bar 773 reıs kelgen. Onyń ishinde, COVID-19-ǵa teris nátıjesi bar anyqtamalarmen – 97 430, anyqtamasyz – 12 294, onyń ishinde PTR taldaýdy tapsyrǵannan keıin arnaıy karantındik stasıonarda 79 oń nátıje alyndy (Túrkııa – 30 jaǵdaı, BAÁ – 18, Mysyr – 23, Belarýs – 5, Ýkraına – 1, Maldıv – 2 jaǵdaı). Qalanyń halyqaralyq áýejaıynda sanıtarlyq-epıdemııalyq baqylaýdy kúsheıtý sharalary jalǵasyn taýyp otyr. Sondaı-aq anyqtamanyń joqtyǵynan 31 shetel azamaty keri qaıtaryldy. Qala áýejaıynda sanıtarlyq-epıdemııalyq baqylaýdy kúsheıtý boıynsha sharalar jalǵasýda.
ALMATY
