Aımaqtar • 20 Qańtar, 2021

Almatynyń taǵy 50 myń turǵyny sapaly aýyz sýǵa qol jetkizedi

12 ret kórsetildi

Almaty ákimi Baqytjan Saǵyntaev jumys sapary kezinde almatylyqtardyń ómir sapasyn jaqsartý úshin salynyp jatqan ınfraqurylymdyq jobalardyń iske asý barysymen tanysty.

Qala ákimi B. Saǵyntaev óziniń Instagram-daǵy akkaýntynda jol aıryqtary, elektr podstansııalary men sý qabyldaıtyn stansııalardy salý boıynsha jumystardyń barysyn teksergeni týraly jaza kele: «Seıfýllın dańǵyly men Jansúgirov kóshesindegi jolaıryqtyń qurylysy jalǵasýda. Bıyl munda kólik qozǵalysyn ashý úshin tıisti sharalardy qolǵa alýdy tapsyrdym. Osylaısha Seıfýllın dańǵylynyń kólik ótkizý qabileti 15-20%-ǵa, Jansúgirov kóshesinde 10-15%-ǵa ósedi», – dedi.

Ákimniń málimeti boıynsha Bostandyq aýdanynda 110 kV-tyq «Almagúl» qosalqy stansasy salynýda. Ol qalanyń ońtústik bóliginde salynyp jatqan jańa turǵyn úı keshenderine qajet qosymsha 100 MVt elektr energııasymen qamtamasyz etýge múmkindik beredi. Bul shamamen 200 myń tutynýshy.

Budan ózge «Han Táńiri» yqshamaýdanynda boı kóterip jatqan 110 kV-tyq taǵy bir qosalqy stansa eskirgen jelilerdi aýystyrýǵa múmkindik berip qana qoımaı, elektr energııasyna 64 MVt ósim beredi. «Alataý», «Nurlytaý», «Ermensaı», «Jaılaý» yqshamaýdandaryn energııamen qamtamasyz etý jaǵy jaqsarady. Bul qosylǵan aýmaqtardyń shamamen 250 myń tutynýshysyn qamtıdy.

«Naýryzbaı aýdanynyń 50 myńǵa jýyq turǵynyn sapaly aýyz sýmen qamtamasyz etý úshin «Qarǵaly» sý tartý jáne súzgi stansalarynyń qurylysy júrip jatyr. Bıyl bul stansany tórt yqshamaýdanmen baılanystyratyn magıstraldyq jelilerdiń qurylysy bastalady», dep atap ótti Almaty ákimi B. Saǵyntaev.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar