Birinshi kezekte qajetti ulttyq standarttardy, tehnıkalyq reglamentterdi ázirleý, memlekettik baqylaý, ónim qaýipsizdigi, ishki naryqty nashar jáne sapasyz ónimderden qorǵaý máselelerine, sondaı-aq synamalardyń sáıkestigin baǵalaý men ónimder men kórsetiletin qyzmetterdiń sáıkestigin rastaý salasyna kóp kóńil bólinedi.
«Negizgi maqsat – ónimniń qaýipsizdigi, onyń sapasynyń sáıkestigi, normatıvtik qujattardyń talaptary turǵysynan qala halqynyń tutynýshylarynyń múddelerin qorǵaý jáne synaq zerthanalarynyń jáne basqa da sýbektilerdiń sáıkestigin rastaýshy organdardyń qyzmetin baqylaý. Basty mindet-óndiriletin jáne aınalymdaǵy tutynylatyn ónimniń qaýipsizdik sapasyn anyqtaý», – dep túsindirdi Saýyqbek Qapaev.
2020 jyldyń qorytyndysy boıynsha barlyǵy 83 tekserý júrgizilgen, ótinishter men shaǵymdar boıynsha jospardan tys – 37 tekseris, nysandy baryp qadaǵalaý jáne profılaktıkalyq baqylaý qorytyndylary boıynsha berilgen nusqamalardy oryndaý arqyly – 18 tekseris júrgizilgen. 50 jaǵdaıda Qazaqstan Respýblıkasynyń Tehnıkalyq retteý, akkredıtteý jáne ólshem birligin qamtamasyz etý salasyndaǵy zańnamasyn buzý faktileri anyqtaldy, bul tekserýlerdiń jalpy sanynyń 60%-yn qurady.
Memlekettik baqylaý qorytyndysy boıynsha tártip buzýshylarǵa jalpy somasy 18 567 642 teńgege ákimshilik aıyppul salyndy.
О́nimniń sáıkestigin rastaý rásimi saqtalmaǵan, atap aıtqanda ónimdi sáıkestendirý, ónim úlgilerin irikteý jáne olardy synaý, ónimdi tańbalaýǵa qoıylatyn talaptar jáne sáıkestik sertıfıkattaryn rásimdeý kezindegi tártip buzýshylyqtar anyqtaldy.
Tekserý nátıjeleri boıynsha 5087 – sáıkestik sertıfıkaty, 4231 – sáıkestik týraly deklarasııa, 1562 – tekserý týraly sertıfıkat qaıtarylyp alyndy jáne qoldanysy toqtatyldy, barlyǵy – 21254 ólshem quraly, onyń ishinde qoldanýǵa jaramsyz – 589 birlik, sondaı-aq ólshem quraldaryn 1–salystyryp tekserýshiniń sertıfıkaty, 5 927 850 teńge somasyna ákimshilik aıyppul sala otyryp, 6 aı merzimge sarapshy-aýdıtorlardyń 23 attestaty toqtatyldy. Qorytyndysy boıynsha jalpy somasy 17 690 494 (oryndalǵany -15 081 952) teńgege ákimshilik aıyppul salý týraly 45 qaýly shyǵaryldy.
Sondaı-aq, Almaty qalasynyń ákimshilik soty Departament qozǵaǵan 9 materıal negizinde 877 148 teńge somasyna ákimshilik aıyppul saldy.
Tekserý nátıjeleri boıynsha anyqtalǵan tártip buzýshylyqtardy joıý týraly nusqamalar berildi.
2020 jylǵy 30 jeltoqsanda «Tehnıkalyq retteý týraly» jańa redaksııadaǵy tıisti zań jobalaryna jáne olarǵa ilespe zań retinde «О́lshem birligin qamtamasyz etý týraly», «Akkredıtteý týraly» ilespe zańdarǵa qol qoıylǵanyn atap ótken jón.
Qoryta kelgende toq eterin aıtqanda, «Tehnıkalyq retteý týraly» QR jańa Zańyn qabyldaýdan kútiletin nátıjeler legi tómendegideı bolyp otyr. Bular – ishki naryqtaǵy ónimniń qaýipsizdigin arttyrý; básekege qabiletti jáne sapaly otandyq ónim úshin jaǵdaı jasaý; memlekettik baqylaýdyń tıimdiligin arttyrý; sáıkestikti baǵalaý rásimderiniń durystyǵyn qamtamasyz etý;tehnıkalyq retteý salasyndaǵy ulttyq zańnamany EAEO sheńberindegi ulttyqtan joǵary zańnamaǵa sáıkes keltirý.
