Taǵaıyndaý • 21 Qańtar, 2021

Ulttyq kıno ortalyǵyna jańa laýazym ıeleri taǵaıyndaldy

60 ret kórsetildi

Ulttyq kınony qoldaý memlekettik ortalyǵynda jańa kadrlyq taǵaıyndaýlar júrdi. «UKQMO» KeAQ bas prodıýseri retinde Arman Ásenov, al «UKQMO» KeAQ Basqarma Tóraǵasynyń keńesshisi retinde Baýyrjan Shúkenov taǵaıyndaldy, dep habarlaıdy Egemen.kz

 «UKQMO» KeAQ Basqarma Tóraǵasy Esetjan Qosybaev jańa taǵaıyndaýlarǵa qatysty óz pikirin bildirdi: «Kıno ortalyǵy joǵary deńgeıdegi kıno ónimin alýy úshin barlyq kınojobalardyń óndirisine sapaly monıtorıng júrgizýi kerek. Sondyqtan, bizdiń aldymyzda belsendi turde túsirilim alańdaryna shyǵyp, shyǵarmashylyq prosesti taldaý mindeti tur. Sondaı-aq, biz ótinimderdi berý kezinde baqylaý júrgizý tetikterin ázirlep, ekonomıkalyq quraýshyny, ıaǵnı berilgen ótinimniń smetaǵa qanshalyqty sáıkes keletinin jáne taǵy basqasyn qadaǵalaýymyz kerek. Osy jáne basqa da birqatar mindetterdi oryndaý úshin Kıno ortalyǵynyń ujymyna búgin Arman Tursynbaıuly Ásenov pen Baýyrjan Kamaluly Shúkenov qosyldy. Qazirgi tańda biz Dırektorlar keńesiniń atqaratyn rólin arttyrý baǵytynda jumys istep jatqanymyzdy atap ótkim keledi. UKQMO basqarmasy otandyq kınematografty qoldaý jónindegi mindettermen neǵurlym tıimdi jumys isteýi kerek».

Arman Ásenov pen Baýyrjan Shúkenovtiń esimderin Qazaqstan kıno qaýymdastyǵyna tanys.

Akter, prodıýser, Qazaqstan Respýblıkasynyń Eńbek sińirgen qaıratkeri Arman Ásenov óziniń shyǵarmashylyq jolynda akter jáne prodıýser retinde 40-tan astam kartınada jumys istep úlgergen, olardyń kópshiligi tek Qazaqstanda ǵana emes, shetelde de tanymal.

Ár túrli jyldary Arman Ásenov «Qazaqfılm» kınostýdııasynyń prodıýseri, Maksım Gorkıı atyndaǵy balalar jáne jasóspirimder fılmderi kınostýdııasy dırektorynyń orynbasary, «Qazkınoprokat» RО́B bas dırektory, «Báıterek» prodıýserlik ortalyǵynyń bas prodıýseri qyzmetterin atqarǵan, al 2019 jyly «Sháken Aımanov atyndaǵy «Qazaqfılm» AQ basqarǵan.

Arman Tursynbaıuly – QR Kınematografıster odaǵynyń basqarma múshesi, Qazaqstan Jastar Odaǵy syılyǵynyń laýreaty, «Qurmet» ordenimen marapattalǵan jáne «Qazaqstannyń úzdik kınoprodıýseri» ataǵyna ıe bolǵan.

«Arman» kınoteatrynyń atqarýshy dırektory Baýyrjan Shúkenov respýblıkalyq kommersııalyq kınoprokattyń negizin qalaǵandardyń biri, sondaı-aq, ol otandyq avtorlyq kınony nasıhattaý jáne festıval qozǵalysyn qoldaý boıynsha sátti jumys jasaǵan. 2010 jyly B.Shúkenov Qazaqstanda «Búgingi fransýz kınosy» festıvalin ótkizýdiń bastamashysy boldy, bul festıval kópshilik kórermenniń súıispenshiligine bólendi. Unifrance memlekettik agenttiginiń qatysýymen ótetin festıval birqatar jarqyn premeralarmen este qalyp, respýblıkanyń mádenı ómirindegi mańyzdy oqıǵaǵa aınaldy. Baýyrjan Shúkenov «О́ner men ádebıettegi eńbegi úshin» Fransýz Respýblıkasynyń ordenimen marapattalǵan.

Oǵan qosa, Baýyrjan Kamaluly Batyrhan Shúkenov atyndaǵy qordyń Qamqorshylyq keńesiniń Tóraǵasy bolyp tabylady. Al 2019 jyldan bastap Ulttyq kınony qoldaý memlekettik ortalyǵynyń janyndaǵy Saraptama keńesiniń quramynda qyzmet etken.

Sońǵy jańalyqtar

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Uqsas jańalyqtar