О́tken jyldyń sáýir aıynda pandemııaǵa baılanysty salyqtar men áleýmettik tólemderden bosatylǵan ShOB nysandarynyń tizimi bekitilgeni belgili. Alǵashynda 1qazanǵa deıin berilgen jeńildik Úkimettiń №721 qaýlysy negizinde jyl sońyna deıin taǵy uzartylǵan bolatyn. Osynyń negizinde pandemııadan zardap shekken bıznes nysandary mindetti medısınalyq saqtandyrý júıesine aýdarylatyn tólemderden de 9 aıǵa bosatyldy.
Fılıal dırektorynyń orynbasary Janar Kenjebaevanyń aıtýynsha, shaǵyn jáne orta bıznes nysandary óz qyzmetkerleri týraly málimetti 2020 jyldyń shildesinen bastap ár aıdyń 25-ine deıin turaqty túrde jańartyp otyrýy tıis bolatyn.
«Jalpy, Almaty qalasy boıynsha jyl sońyna deıin MÁMS tóleýden bosatylǵan shaǵyn jáne orta bıznes sýbektileri – 116 604, onyń ishinde 60 259-y 2020 jyldyń ishinde derekterdi ózektendirdi. Osylaısha, birqatar kásiporyndardyń jaldamaly qyzmetkerleri MÁMS júıesinen tys qalady. Sondyqtan jumys berýshilerge ShOB qyzmetkerleriniń saqtandyrylý mártebesi boıynsha júrgizilip jatqan jumystyń mańyzdylyǵyn túsiný jáne derekterdi Qor saıtyna engizý mańyzdy» - dep túsindirdi J.Kenjebaeva.
Qyzmetkerlerdi saqtandyrý úshin ne isteý kerek?
· Ol úshin jumys berýshi msb.fms.kz saıtyna kiredi
· Zańdy tulǵanyń nemese Jeke kásipkerlik nysanynyń ESQ kómegimen Qordyń aqparattyq júıesine tirkelip, paıdalaný kelisimine qol qoıady
· Arnaıy uıashyqqa jumyskerlerdiń JSN engizedi (tizimdi Excel formatyndaǵy bir faıl arqyly nemese ár qyzmetkerdi jeke-jeke engizýge bolady)
Talap tolyq oryndalǵan jaǵdaıda qyzmetkerlerdiń MÁMS júıesindegi mártebesi jarty saǵatta rastalady.
Salyq jáne áleýmettik tólemder úshin "nóldik" mólsherlemeni paıdalanatyn ShOB-tyń 29 sanatynyń tolyq tizimimen úkimettiń "Salyq salý máseleleri boıynsha ekonomıkany turaqtandyrý jónindegi odan arǵy sharalar týraly" №224 Qaýlysynda tanysýǵa bolady.
