Shyǵyndardyń bir bóligin óteý kelesi túrler boıynsha júzege asyrylady:
1) shetelde taýarlardy jarnamalaýǵa baılanysty shyǵyndar;
2) sheteldik kórmelerge, forýmdarǵa, jármeńkelerge, konkýrstarǵa, Kongresterge tikeleı qatysýǵa arnalǵan shyǵyndar;
3) shetelde taratý úshin mamandandyrylǵan katalogty ázirleýge, shet tilderine aýdarýǵa jáne basyp shyǵarýǵa baılanysty shyǵyndar;
4) shetelde fılıaldardy, ókildikterdi, saýda alańdaryn, qoımany jáne saýda sórelerin ustaýǵa arnalǵan shyǵyndar;
5) elektrondyq saýda alańdarynda shetelde taýar belgilerin tirkeýge baılanysty rásimderdi júrgizýge arnalǵan shyǵyndar;
6) taýarlardyń uıym standarttaryn qosa alǵanda, tehnıkalyq reglamentterde, standarttarda belgilengen talaptarǵa nemese sharttardyń talaptaryna sáıkestigin rastaý rásimderine nemese taýarlardy shetelde ótkizý jónindegi qyzmetti júzege asyrý quqyǵyn rastaýǵa baılanysty is-sharalardy júrgizýge arnalǵan shyǵyndar (sertıfıkattar, ruqsattar, tirkeý kýálikteri jáne basqa da qujattar), sondaı-aq sertıfıkattaý rásiminen ótý úshin ónimniń synama úlgilerin synaý pýnktine deıin jetkizý kezinde jáne keri qaraı keltirilgen shyǵyndar (sertıfıkat ne ózge);
7) shetelde aıryqsha quqyqtar obektilerin (franchaızıng) paıdalanýǵa ruqsat alý rásimderin júrgizýge baılanysty shyǵyndar;
8) sheteldik sertıfıkattaýdan, akkredıtteýden, ındýstrııalyq-ınnovasııalyq qyzmet sýbektilerin tekserýden ótýge baılanysty shyǵyndar (sertıfıkattaý, akkredıtteý, tekserý rásimderi oń ótken jaǵdaıda jáne sertıfıkat nemese basqa rastaıtyn qujat bolǵan jaǵdaıda);
9) júkterdi jetkizýge jáne avtomobıldik, temirjoldyq, áýe, teńiz kóligimen tasymaldaý qyzmetteri úshin aqy tóleýge jáne tasymaldaýdy uıymdastyrýǵa baılanysty shyǵyndar.
2020 jyldyń qorytyndysy boıynsha ındýstrııalyq-ınnovasııalyq qyzmettiń 377 sýbektisinen 1145 ótinim kelip tústi. Onyń ishinde ındýstrııalyq-ınnovasııalyq qyzmettiń 216 sýbektisinen 487 ótinim maquldandy, onyń ishinde:
1) otandyq óńdelgen taýarlardy jyljytýǵa 51 ótinim;
2) otandyq óńdelgen taýarlardy jetkizýge 442 ótinim.
Eskertpe: 6 ótinim boıynsha sýbektiler shyǵyndardyń birneshe túrine qatysty óteýge ótinim berdi, osyǵan baılanysty shyǵyndardyń túrleri boıynsha maquldanǵan óteýlerdiń sany 493-ti, al maquldanǵan ótinimderdiń sany-487-ni quraıdy.
Indýstrııalyq-ınnovasııalyq qyzmet sýbektilerine shyǵyndardyń bir bóligin óteý (sharttary men tetigi, onyń ishinde ótinim nysany jáne oǵan qosa beriletin qujattar) Qazaqstan Respýblıkasy Investısııalar jáne damý mınıstriniń 2015 jylǵy 30 qarashadaǵy № 1128 buıryǵymen bekitilgen otandyq óńdelgen taýarlardy ilgeriletý boıynsha ındýstrııalyq-ınnovasııalyq qyzmet sýbektileri shyǵyndarynyń bir bóligin óteý qaǵıdalaryna sáıkes júzege asyrylady.
О́tinimderdi qabyldaý https://export.gov.kz/veb-portaly arqyly júzege asyrylady
Anyqtama telefony
8 (7172) 768511
8 (7172) 768588
Joǵaryda kórsetilgen memlekettik qoldaý sharalaryn alý tártibi týraly tolyq aqparat https://export.gov.kz/ veb-portalda jáne http://qaztrade.org.kz/ saıtyndy ornalastyrylǵan.
