Aımaqtar • 26 Qańtar, 2021

Jambyl oblysynda qylmys deńgeıi tómendedi

17 ret kórsetildi

Jambyl oblysynda qylmys deńgeıi 30%-ǵa tómendedi, – dep habarlaıdy Egemen.kz Polisia.kz saıtyna silteme jasap. 

Jambyl oblysynyń Polısııa departamentinde jedel keńes ótkizilip, 2020 jylǵy jedel-qyzmettik jumystyń qorytyndylary talqylandy. Polısııa departamentiniń bastyǵy Janat Súleımenov oblysta qylmys deńgeıi tómendegenin aıtty.

О́tken jylǵy barlyq qıyndyqtarǵa qaramastan, Jambyl oblysy Polısııa departamentimen 2020 jyldyń 12 aıynyń qorytyndysy boıynsha óńirde qylmystyń aıtarlyqtaı tómendeýine qol jetkizildi. Qabyldanǵan sharalardyń nátıjesinde qylmys deńgeıi 30 paıyzǵa tómendedi. Asa aýyr qylmystar sany 23,1%-ǵa, zorlaý oqıǵalary 22%-ǵa azaıdy.

Asa aýyr qylmystardyń ashylýy 93,1% – dy qurady. Keshendi is-sharalardyń nátıjesinde páter urlyqtarynyń sany 40,8%-ǵa, qalta urlyǵy 58,4%-ǵa, uıaly telefon urlyǵy 48,6%-ǵa jáne mal urlyǵy 23,6%-ǵa tómendedi. Sondaı-aq, tonaý qylmystary 22,6%-ǵa, qaraqshylyq 17,6%, avtokólikti aıdap áketý 20%-ǵa, buzaqylyq – 31,9%-ǵa jáne qorqytyp alý derekteri 42,9%-ǵa azaıdy.

Qoǵamdyq oryndarda jasalǵan qylmystyq quqyq buzýshylyqtar 35,2%-ǵa tómendedi. Sonymen qatar, qarý qoldanýmen jasalǵan qylmystar 40%-ǵa jáne masań kúıde jasalǵan qylmystar 25,4%-ǵa azaıǵan.

Bir jyl ishinde 815 esirtki qylmysy anyqtaldy. Zańsyz aınalymnan 3 tonna 278 kg ártúrli esirtki quraldary tárkilendi. Turǵyndarǵa sıntetıkalyq esirtki zattaryn taratýmen aınalysatyn 58 ınternet-saıt buǵattaldy. Qala kóshelerinde 998 graffıtı jazbalary joıyldy.

Polısııa departamenti qyzmetiniń mańyzdy baǵyttarynyń biri jol qaýipsizdigin qamtamasyz etý bolyp qala beredi. Esepti kezeńde oblystyń avtojoldaryndaǵy jol-kólik oqıǵalarynyń sany 23%-ǵa tómendedi. Departament qyzmetiniń barlyq jekelegen baǵyttary boıynsha oń dınamıka tıisti materıaldyq-tehnıkalyq qamtamasyz etýsiz múmkin bolmas edi. О́tken jyly avtokólikter, beınetirkegishter, jeke qorǵaný quraldary satyp alyndy.

– Jalpy, polısııa qyzmetiniń tıimdiligine azamattardyń qoǵamdyq tártipti saqtaýǵa atsalysýy, olardyń quqyq qorǵaý organdaryna kómek kórsetýi asa mańyzdy ról atqarady. Jambyldyqtar ózderiniń azamattyq ustanymyn tanyta otyryp, qoǵamdyq tártipti jaqsartýǵa óz úlesterin qosýda. Aldaǵy ýaqytta da biz barlyq qıyndyqtardy birge eńseretinimizge senimdimin, – dep atap ótti PD bastyǵy.

Sońǵy jańalyqtar

«Ýkaznoı molda»: Ol kim?

Rýhanııat • Keshe

Qylań

Tanym • Keshe

Veterınarlar qartaıyp barady

Qazaqstan • Keshe

Uqsas jańalyqtar