«Jaıylymdar máselesine arnaıy toqtalǵym keledi. Bul jerler eń aldymen aýyl turǵyndaryna qoljetimdi bolýy kerek. Jergilikti ákimdikter jumysty durys uıymdastyrmaı jatyr. Sonyń saldarynan aýyl turǵyndary mal jaıatyn jaıylym tappaı qınalýda. Ásirese Almaty, Túrkistan oblystarynan aryz-shaǵymdar kóp túsýde. Jaıylymdardyń 99 paıyzy sharýa qojalyqtardyń ıeliginde. Alaıda onyń 36 paıyzynda ǵana mal jaıylady. Qalǵan 46 mln gektar jaıylym jer bos jatyr. Úkimetke Bas prokýratýramen birlesip, bıylǵy jyldyń sońyna deıin osyndaı jaıylymdardy qaıtarýdy tapsyramyn», dedi Memleket basshysy.
Aıta keteıik, Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótýde. Onlaın formattaǵy jıynda eldiń áleýmettik-ekonomıkalyq damýynyń 2020 jylǵy qorytyndylary men aldaǵy jospary talqylanyp jatyr.
