Aımaqtar • 26 Qańtar, 2021

Jetisý «jasyl aımaqqa» qaıta oraldy

13 ret kórsetildi

Almaty oblysy buǵan deıin juqpaly indettiń taralý qaýpi jóninen «sary aımaq» sanatyna kirgen edi. Al búginnen bastap óńirdegi epıdemııalyq ahýal ońalyp, el ishindegi tynys-tirshilik «jasyl aımaq» deńgeıine qaıta oraldy, dep habarlaıdy Egemen.kz

Jalpy, pandemııa bastalǵan kezeńnen beri oblysta koronavırýs juqtyrǵan turǵyn sany 8 861 naýqasqa deıin jetken. Keıingi kezeńde indettiń taralý qarqyny ekpindep, juǵý kórsetkishi 1,0 paıyzdy qurady. Indettiń taralý sońǵy táýlikte Tekeli men Taldyqorǵan qalalarynda jıi baıqalǵan eken. Iаǵnı, ótken bir aptanyń esebi boıynsha Jetisýdaǵy juqpaly indetke shaldyqqan naýqas sany 1430 adamǵa deıin jetip, táýligine  71 naýqas anyqtalǵan bolatyn. Alaıda, óńirdiń epıdemıologtary jaǵdaı qalypty deńgeıge tústi degen pikirde.

– Infeksııalyq syrqatqa shaldyǵýshylar áli de azaıǵan joq. Biraq, indettiń taralýy báseńdedi. Sondyqtan oblystaǵy ahýal «sary aımaqtan» ótip, «jasyl aımaqqa» turaqtady. Iаǵnı, aımaqtaǵy aldyn alý men kúres sharasy óz nátıjesin berdi deýge bolady. Ári oblys dárigerleri vırýsty ınfeksııany emdeý boıynsha joǵary deńgeıde kásibılik kórsetip otyr. Onyń dáleli retinde bir táýlikte 104 naýqastyń dertinen aıyqqanyn aıta alamyz, – deıdi Almaty oblystyq sanıtarlyq epıdemıologııalyq baqylaý departamenti basshysynyń orynbasary Ashat Sharapıev.

Al oblystyń medısına mekemeleri kúsheıtilgen rejımde jumys istep jatyr eken. Barlyq aýrýhanalardaǵy tósek sany 1138 orynnan 1300 orynǵa deıin kóbeıtilgen. Onyń ishinde jedel kómekti qajet etetin naýqastarǵa arnalǵan jansaqtaý bólimderinedegi oryn sany 124 tósekten 135 tósekke deıin artqan. Qazir dárgerlerdiń jalpy jumys júktemesi 40 paıyz shamasynda kórinedi.

Árıne, aımaqta indetpen kúreske qmaqty qarjy bólinip otyr. Koronavırýstiń alǵashqy kezeńindegi is-sharalar úshin oblys  bıýdjetinen 13,8 mlrd teńge qarjy bólingen bolatyn. Bul qarjynyń bir bóligi, anyǵynda 8,8 mlrd teńgesi indettiń ekinshi tolqynyna jumsalýda. О́ńir boıynsha juqpaly ıfeksııamen kúres jumysyna jiti kóńil bólingendikten, qazir emhanalar men aýrýhanalardyń daıyndy joǵary deńgeıge jetti. Derek boıynsha qazir  medısınalyq uıymdarda 17 kompıýterlik tomograf, 53 rentgen apparaty, 534 ókpeni jasandy jeldetý qondyrǵysy jumys isteıdi. Onyń ishinde balalardyń densaýlyǵyna qajetti 70 appart jáne  eresekter adamdar qoldanýǵa arnalǵan 464 qondyrǵy ornatylǵan.

– Oblystaǵy 17 aýdandyq aýrýhana ottegi stansııalarymen qamtamasyz etildi.. Bul maqsatqa jergilikti bıýdjetten 818,2 mlnteńge bólindi. Sondaı-aq, ottegi konsentrattarynyń sany 1350 danaǵa jetti. Tapsyrmaǵa sáıkes ashylǵan 26 reanımasııalyq bólimshe de  qajetti quraldarmen jabdyqtaldy. Jalpy, oblys boıynsha medısınalyq jabdyqpen qamtamasyz etý 79 paıyzdan 89 paıyzǵa deıin artty. Densaýlyq kúzeti úshin 180 «jedel járdem» kóligi, sondaı-aq, 12 jyljymaly medısınalyq keshen satyp alyndy. Búginde jedel kómek kórsettin brıgadalar sany 205 topqa deıin kóbeıdi, – deıdi oblystyq densaýlyq saqtaý basqarmasy basshysynyń orynbasary Arman Janseńgirov.

Aıtpaqshy, oblysta indet belgisin anyqtaıtyn 10 zerthana jumys isteıdi, onda táýligine 6,3 myńǵa deıin zerthanalyq zertteý júrgiziledi eken. Sondaı-aq, turǵyndardyń densaýlyǵyn qorǵaý kúzetinde 3 455 medısına qyzmetkeri, onyń ishinde 851 dáriger jumyldyryyp otyr. Sondaı-aq, oblys aýrýhanalarynda jeke qorǵaný quraldary men dárilik zattardyń eki aılyq qory bar. Munan bólek, áleýmettik jaǵynan qorǵalmaǵan adamdar úshin jergilikti bıýdjet esebinen 92,1 mln teńgege vırýsqa qarsy preparattar satyp alynypty.  

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar