Qazaqstandyq kásipqoı boksshy Beıbit Shúmenov WBA sýper-chempıony ataǵyn qorǵap qalý jolynda slovak Tamash Kovachpen kezdesti. Aýyr salmaqtaǵy bylǵary qolǵap sheberleriniń bul urysy 3-raýndta bizdiń jerlesimizdiń tehnıkalyq nokaýtqa jetýimen aıaqtaldy.
Qazaqstandyq kásipqoı boksshy Beıbit Shúmenov WBA sýper-chempıony ataǵyn qorǵap qalý jolynda slovak Tamash Kovachpen kezdesti. Aýyr salmaqtaǵy bylǵary qolǵap sheberleriniń bul urysy 3-raýndta bizdiń jerlesimizdiń tehnıkalyq nokaýtqa jetýimen aıaqtaldy.
Shaıqas AQSh-tyń San-Dıego qalasynda sharshy alańdy shaıqady. Úshinshi raýndta Beıbit qarsylasyn joıqyn soqqymen uryp qulatty. Referı sol boıda urysty toqtatyp, jeńisti Shúmenovke berdi. Sebebi, ol munyń aldyndaǵy eki raýndtyń árbirinde bir retten nokdaýnǵa jetip edi.
Aıta ketetin bir jaıt, Amerıkaǵa Shymkentten attanǵan Beıbittiń munyń aldyndaǵy sońǵy jekpe-jegin ótkizgenine bir jarym jyl bolyp qalǵan edi. Budan buryn onyń IBF nusqasyndaǵy álem chempıony, 48 jastaǵy amerıkalyq Bernard Hopkınspen shaıqasatyny aıtylǵan bolatyn.
«Men barlyq tıtýldardyń basyn qosqym keletinin buryn aıtqanmyn. Qazir menimen Bernard Hopkınstiń shaıqasqysy kelip júr, – dedi Shúmenov matchtan keıingi suhbatynda. – Bul men úshin qurmet bolyp sanalady, sondyqtan usynysty qýana qabyldaımyn. Endi bári promoýterlik Golden Boy kompanııasy men Showtime telekompanııasynyń ózara kelisimderine baılanysty. Matchtyń qaı ýaqytta ótetinin solar belgileıdi».
Rýslan IGILIK.
