Qazaqstan • 27 Qańtar, 2021

Aqparattyq-aǵartý shtabynyń jumysy – ashyqtyqty talap etedi

9 ret kórsetildi

Sybaılas jemqorlyqqa qarsy is-qımyl agenttiginiń janynan azamattardyń senimi men adaldyq pen parasattylyq qaǵıdalaryna beıimdiligin artyrý maqsatynda qurylǵan Aqparattyq-aǵartý shtabynyń jyldyq jumysyn qorytyndylaý boıynsha keńes ótti, dep habarlaıdy Egemen.kz

Is-sharaǵa Agenttiktiń jáne aýmaqtyq departamentterdiń basshylyǵy, sondaı-aq jergilikti aqparattyq-aǵartý shtabtarynyń jetekshileri men qoǵam ókilderi qatysty.

Respýblıkalyq shtabtyń jetekshisi Yrza Tursynzada quramynda Myrzataı Joldasbekov, Ermek Tursynov, Ǵosman Tóleǵul sııaqty bedeldi qoǵam belsendileri bar shtabtardyń qyzmeti jemqorlyqqa múldem tózbeýshiliktiń irgetasyn qalaýǵa múmkindik bergenin atap ótti. Onyń dáleli retinde ótken jyly jasalǵan jumystardyń alǵashqy oń nátıjelerin keltirýge bolady.

Onyń aıtýynsha onlaın formatta shtabtyń 400 múshesi ótkizgen 5 myńǵa jýyq is-sharamen 1,2 mln azamat qamtyldy. Árbir shara ulttyq mádenıet pen babalar murasy arqyly rýhanı qundylyqtardy tárbıeleýge maqsatty baǵyttalǵan qural bolyp tabylady

Y. Tursynzada sóz arasynda «Júzińde uıat pen adaldyq bolsyn, Isińde árkez adamdyq bolsyn» degen halyq danalyǵyn qosa ketti.

Sonymen qatar parasattylyq ıdeıasy men sybaılas jemqorlyqqa qarsy mádenıetti jastar arasynda halyq shyǵarmashylyǵy arqyly qalyptastyrý maqsatynda elimizdiń ár óńirinen 16 aıtys aqyny qatysqan Antikor-aıtys jáne Antikor Terme onlaın jobalary uıymdastyryldy.

Jıyn barysynda Shymkent qalasy, Aqmola, Jambyl, Qyzylorda, Túrkistan, Pavlodar jáne Shyǵys Qazaqstan oblystarynyń shtab jetekshileriniń  baıandamalary tyńdalyp, oń tájirıbeleri ózge óńirlerge úlgi retinde mysal etildi.

О́z kezeginde Agenttik Tóraǵasy Alık Shpekbaev aqparattyq-aǵartý shtabynyń basty maqsaty sybaılas jemqorlyqqa qarsy mádenıetti qalyptastyrý jáne parasattylyq ıdeologııasyn ilgeriletý ekenin nazarǵa aldy. A. Shpekbaevtyń pikirinshe, árbir óńir, tipti aýyldyq aımaqqa deıin sybaılas jemqorlyqqa qarsy kózqarasty túbegeıli sińirýi mańyzdy. Ol úshin aýdandyq deńgeıde aqparattyq-aǵartý shtabtarynyń jumysyn uıymdastyrý qajet.

Kezdesý sońynda aǵartý jumysyna halyq arasynda abyroıǵa ıe belsendi azamattardy, onyń ishinde jastardy jáne ádep jónindegi ýákilderdi keńinen tartý qajettigi aıtyldy.

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Uqsas jańalyqtar