Álem • 28 Qańtar, 2021

Dáriger koronavırýspen aýyrǵan naýqastardy óltirdi degen kúdikke ilindi

479 ret kórsetildi

Italııada Montıkıarı qalasynyń dárigeri Karlo Moska tósek-oryndardy bosatý úshin koronavırýspen aýyrǵan naýqastardy óltirdi degen kúdikke ilindi, dep habarlaıdy Egemen.kz

Tergeý málimetteri boıynsha dáriger COVID-19 indetimen jatqan naýqastarǵa tynys alý depressııasyn týdyratyn preparatty ádeıi engizgen. Sonyń nátıjesinde eki naýqas qaıtys boldy.

La Repubblica basylymy Italııada indet órship turǵan kezde Moska koronavırýspen kúreste aldyńǵy qatarly dárigerlerdiń biri bolǵanyn aıtyp ótti.

Alaıda Breshııa prokýrorlarynyń eki naýqasty óltirdi degen aıyby dárigerdiń pandemııaǵa qarsy erlik kúresiniń tarıhyn túbegeıli ózgertýi múmkin.

Karlo Moskanyń naýqastardy óltirýdiń sebepteri áli anyqtalmady. Is materıaldary retinde aýrýhana medbıkeleriniń jazbasy tirkelgen, onda olar dáriger naýqastardy medısınalyq mekemedegi tósek-oryndardy bosatý úshin óltirdi dep kúdiktengen.

Belgili bolǵandaı, qazirgi ýaqytta Moska sot málimdesi shyqqansha úı qamaýynda bolady.

 

Aıtolqyn MYRZAKARIM

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar