Qazaqstan Respýblıkasy Konstıtýsııasynyń 44-babynyń 5) tarmaqshasyna sáıkes kóleńkeli ekonomıkaǵa qarsy is-qımyldyń tıimdiligin arttyrý maqsatynda QAÝLY ETEMIN:
1. Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organ retinde Qazaqstan Respýblıkasynyń Qarjylyq monıtorıng agenttigi (budan ári – Agenttik) qurylsyn, oǵan Qazaqstan Respýblıkasy Qarjy mınıstrliginiń qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl salasyndaǵy, sondaı-aq ekonomıkalyq jáne qarjylyq qylmystar men quqyq buzýshylyqtardyń aldyn alý, olardy anyqtaý, jolyn kesý, ashý jáne tergep-tekserý boıynsha fýnksııalary men ókilettikteri berilsin.
2. Agenttik beriletin fýnksııalar men ókilettikter sheńberinde Qazaqstan Respýblıkasy Qarjy mınıstrliginiń quqyqtary men ókilettikteriniń quqyqtyq mırasqory bolyp aıqyndalsyn.
3. «Qazaqstan Respýblıkasy Prezıdentiniń Ákimshiligi týraly erejeni bekitý týraly» Qazaqstan Respýblıkasy Prezıdentiniń 2008 jylǵy 11 naýryzdaǵy № 552 Jarlyǵyna (Qazaqstan Respýblıkasynyń PÚAJ-y, 2008 j., № 12-13, 116-qujat) mynadaı tolyqtyrý engizilsin:
joǵaryda atalǵan Jarlyqpen bekitilgen Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organdardyń tizbesi mynadaı mazmundaǵy jolmen tolyqtyrylsyn:
«Qazaqstan Respýblıkasynyń Qarjylyq monıtorıng agenttigi».
4. Qazaqstan Respýblıkasy Prezıdentiniń Ákimshiligi:
1) Qazaqstan Respýblıkasy Prezıdentiniń qaraýyna:
Agenttik tóraǵasymen birlesip, Agenttik jáne onyń qurylymy týraly ereje jobalaryn;
Qazaqstan Respýblıkasynyń Úkimetimen birlesip, Qazaqstan Respýblıkasy Qarjy mınıstrliginiń jáne tıisti vedomstvolyq baǵynystaǵy uıymnyń shtat sanyn Agenttikke qaıta bólý jóninde usynystar engizsin;
2) osy Jarlyqty iske asyrý boıynsha ózge de sharalardy qabyldasyn.
5. Qazaqstan Respýblıkasynyń Úkimeti:
1) Qazaqstan Respýblıkasy Prezıdentiniń Ákimshiligimen kelisý boıynsha Qazaqstan Respýblıkasy Qarjy mınıstrliginiń jáne tıisti vedomstvolyq baǵynystaǵy uıymnyń shtat sanyn qaıta bólýdi;
2) osy Jarlyqty iske asyrý boıynsha ózge de sharalardy qabyldaýdy qamtamasyz etsin.
6. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
7. Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń
Prezıdenti Q.Toqaev
Nur-Sultan, Aqorda, 2021 jylǵy 28 qańtar
№ 501
