Koronavırýs • 29 Qańtar, 2021

Kútýge ýaqytymyz da, quqyǵymyz da joq – maman koronavırýsqa qarsy vaksınasııa jaıly

150 ret

kórsetildi

1 mın

oqý úshin

Spýtnık V vaksınasymen qatar Qazaqstannyń Qaz Covid-in vaksınasy da daıyn bolyp qaldy. Endeshe shetelden satyp almaı, nelikten otandyq vaksınany halyqqa sala bermedik? Búgingi onlaın konferensııa barysynda tilshilerdiń biriniń osyndaı suraǵyna QR DSM Sanıtarııalyq-epıdemıologııalyq baqylaý komıtetiniń vaksınaǵa kónetin ınfeksııalardy baqylaý basqarmasynyń basshysy Nurshaı Ázimbaeva jaýap berdi, dep habarlaıdy Egemen.kz

Aıym DÁÝIT

Kútýge ýaqytymyz da, quqyǵymyz da joq – maman koronavırýsqa qarsy vaksınasııa jaıly

«Kútýge quqyǵymyz da, ýaqytymyz da joq. Sebebi kún saıyn elimizde qansha adamnyń koronavırýsty juqtyryp jatqanyn kórip otyrsyzdar. О́tken jyldyń qarasha aıynan beri indet qaıtadan údedi. Sondyqtan jaǵdaıdyń ózi bizge basqa amal qaldyratyn emes. Halyq jappaı aýyryp bolǵanyn kúte almaımyz. О́ıtkeni ınfeksııany toqtatpaýdyń saldary aýyr. Búkil álem vaksınalaýdy bastap ketti. Úkimet qoljetimdi amaldardyń bárin jasap jatyr. Qaz Covid-in vaksınasy daıyn bolmaı turyp-aq halyqtyń osal kontınggentin basqa vaksınamen saqtaýǵa múmkindik bar», dedi Nurshaı Ázimbaeva.

Aıta ketsek, buǵan deıin Nurshaı Ázimbaeva Qaz Covid-in ekpesiniń «Spýtnık V» vaksınasynan aıyrmashylyǵy qandaı ekenin túsindirip bergen bolatyn.