Kópshilik jurt Halyqqa qyzmet kórsetý ortalyqtary azamattardan qujattardy qabyldap, daıyn qujattardy berip otyratyn, ýákiletti organdar men halyq arasyndaǵy bir terezeden qyzmet kórsetetin oryn ekenin túsine bermeıdi. Qyzmetterdiń 80 prosenti elektrondyq nusqada kórsetilýine baılanysty da oryn alyp jatqan tehnıkalyq aqaýlar úshin HQO-ny jazǵyryp jatady.
Sońǵy kezdegi jıi kezdesetin máseleler – páterinde nemese úıinde ózge adamdardyń nemese úı ıeleriniń ózderiniń ózge mekenjaıda tirkelgen bolyp shyǵý faktileri, 14 jasqa deıingi balalardy tirkemese de bolatyny jaıly jańa erejelerdi eskermeı, tirkeýdi talap etip, onysy oryndalmasa shaǵym jazatyndardyń kóbeıýi. Fılıal mamandary bul máselelerdi halyqqa túsindirý jumystaryn júrgizip otyr. Degenmen, HQO-larda qyzmet kórsetip otyrǵan Mıgrasııalyq polısııa qyzmetiniń mamandary tarapynan da túsinbeýshilikter kezdesip jatady. Osy máselelerdi birlese sheshý maqsatynda, halyqqa túsindirý jumystaryn júrgizý maqsatynda, fılıal dırektory Danııar Qyryqbaev Mıgrasııalyq polısııa qyzmetiniń mamandarymen birge Medeý, Bostandyq jáne Áýezov aýdandyq front-ofısterindegi qyzmet alýshylarmen sóılesip, muń-muqtajyn, pikir-usynystaryn tyńdady, memlekettik qyzmetterdi alý joldaryn túsindirdi. Front ofıster men qyzmet alýshylardyń sanıtarlyq talaptardy oryndaý barysyn kórdi.
