A. Balaeva atap ótkendeı, memleket barlyq naryq sýbektileri sııaqty, 2020 jyly aýyr daǵdarysta bolǵan BAQ-qa asa qajetti qoldaýyn kórsetti.
Koronavırýstyń alǵashqy tolqyny kezinde halyqty ýaqytyly aqparattandyrý boıynsha úlken jumys júrgizildi. stopfake.kz jáne coronavirus2020.kz saıttarynda KVI-diń damý qarqyny men aýqymy týraly halyqty únemi habardar etip otyrdy. Bul jumys búgingi kúnge deıin sátti jalǵasýda.
«Osylaısha, aqparat salasynda biz sabaqtastyqty saqtap qana qoımaı, sonymen qatar memlekettik aqparattyq saıasatty iske asyrýda neǵurlym júıeli tásilge yqpal etetin birqatar mańyzdy sheshimder qabyldaı aldyq», — dedi A. Balaeva.
Birqatar jańa aqparattyq joba iske qosyldy. Abaıdyń 175 jyldyǵyn merekeleý aıasynda Abai TV telearnasy óz jumysyn bastady. Memlekettik organdardyń qyzmeti týraly halyqty sapaly aqparattandyrý maqsatynda eki portal iske qosyldy
Mınıstr habarlaǵandaı, ótken jyly mınıstrlik jýrnalısterdiń biliktiligin arttyrýǵa jáne qaıta daıarlaýǵa, sondaı-aq salalyq jýrnalıstıkany damytýǵa kiristi. Qazir bul júzege asyrylýda.
«8 aqpannan bastap alǵashqy 50 jýrnalıst S. Aspandııarov atyndaǵy QazUMÝ bazasynda medısınalyq taqyrypta mamandana bastaıdy. 15 aqpannan bastap keminde 50 jýrnalıst L. Gýmılev atyndaǵy EUÝ bazasynda din salasyndaǵy bilimderin jetildiretin bolady. Al 22 aqpannan bastap taǵy 50 jýrnalıst úshin ál-Farabı atyndaǵy QazUÝ bazasynda ekologııalyq taqyryp boıynsha sabaqtar bastalady agrarlyq, quqyqtyq, ekonomıkalyq jáne áleýmettik-eńbek salalaryndaǵy basqa da joǵary oqý oryndarymen osyndaı jumys júrgiziletin bolady», — dedi A. Balaeva.
Mınıstr memlekettik aqparattyq tapsyrysty usynýdyń jańa erejeleri boıynsha júrgizilip jatqan jumysty, al bolashaqta BAQ týraly sapaly jańa zań qabyldaý kózdelip otyrǵanyn atap ótti. Mundaǵy túpki maqsat — memlekettiń biryńǵaı aqparattyq saıasatynyń zańmen qamtamasyz etilgen tetikterin qalyptastyrý.
«Bıylǵy jyly zań jobasynyń tujyrymdamasy 2022 jyldyń ózinde-aq BAQ týraly jańa zań ázirlep, qabyldaý úshin keńinen talqylanady dep oılaımyn. Al bıyl da bizdiń aldymyzda mańyzdy mindetter tur», — dedi A. Balaeva.
Olardyń ishindegi eń mańyzdylary — memlekettiń aqparattyq qaýipsizdigin qamtamasyz etý jáne aqparattyq-ıdeologııalyq jumys. Baǵyttardyń biri retinde shekara mańy aýmaqtary boıynsha jumys bastaldy. Onda bul másele árdaıym ózekti boldy. Shekara mańyndaǵy aýmaqtarda memlekettik radıohabar taratý jelisin damytý jónindegi Jol kartasy ázirlendi. Radıojıilikterge konkýrs jarııalandy. Aqparattyq-taldamalyq baǵyttaǵy baǵdarlamalar basym tártippen qaralatyny túsinikti.
Telearnalardaǵy otandyq aqparattyq kontenttiń úlesin arttyrý da mańyzdy mindet bolyp otyr.
«О́tken jyly biz sheteldik kontentti 30%-ǵa tómendettik jáne bul jumys bıylǵy jyly da jalǵasatyn bolady. Bul rette biz óndiriletin televızııalyq kontenttiń sapasyna basty nazar aýdarýǵa tıispiz. Kelesi basymdyq retinde biryńǵaı aqparattyq-ıdeologııalyq turaqtylyqtyń qalyptasýyna yqpal etetin naqty tetikter ázirlenýi tıis óńirlerde aqparattyq jumysty úılestirýdi kúsheıtýdi atap ótkim keledi. Iаǵnı, iske qosylǵan jobalardy damytýdy jalǵastyryp qana qoımaı, buryn josparlanǵan keısterdi is júzinde júzege asyrýǵa nazar aýdaryp, jańa ózekti bastamalardy ázirlep, usyný qajet», — dedi aqparat jáne qoǵamdyq damý mınıstri.
Sonymen qatar, ótken jyly azamattyq qoǵam ınstıtýttarymen jumysty sapaly jańa deńgeıge kóterýge múmkindik týdy.
«Bul bizdiń jumysymyzda qoldanǵan keri baılanys mehanızmderiniń arqasynda múmkin boldy. Olar óte kóp. Bir ǵana mysal keltireıin: alǵashqy kúnnen bastap biz mınıstrlik janynda turaqty jumys isteıtin dóńgelek ústel qurdyq. Onda qoǵamdy tolǵandyratyn eń ózekti máseleler talqylanyp qana qoımaı, sondaı-aq óte paıdaly jáne qajetti azamattyq bastamalar pysyqtalady», — dedi A. Balaeva.
Bul bastamalardyń ómirsheńdigin 2020 jyly erekshe mazmundy ótken IH Azamattyq forýmnyń jumysy da dáleldedi. ÚEU-dan túsken usynystar paketi sheńberinde forýmnyń usynymdaryn iske asyrý maqsatynda granttyq qarjylandyrýdyń jańa qaǵıdalaryn ázirleý aıaqtaldy. Olardyń aıtýynsha, áleýmettik jobalardy shyǵarmashylyq turǵydan júzege asyrý úshin qajetsiz bıýrokratııalyq kidirister men kedergilerge qatysty kóptegen máseleler sheshildi. Osy jyldyń mindeti — azamattyq qoǵam ókilderimen tyǵyz seriktestik jaǵdaıynda atalǵan qujatty tıimdi iske asyrý.
Mınıstrdiń aıtýynsha, aǵymdaǵy jyly deńgeıdi, sonyń nátıjesinde — tıimdilikti kóterý kerek. Sonymen qatar, pandemııamen kúresýdiń taǵy sondaı qıyn jaǵdaılarynda jumys isteý kerek bolady, al qıyndyqtar men mindetter arta túsýde.
