Jalpy barlyq memlekettik organdardyń qyzmetin tolyq aqparattandyrý maqsatynda mınıstrlik 2020 jylǵa arnalǵan «Jasampazdyqqa toly jyldar» respýblıkalyq medıa-josparyn ázirlep, Úkimettiń otyrysynda bekitken. Onyń negizgi baǵyttary Táýelsizdigimizdiń 30 jyldyǵy, «Rýhanı jańǵyrý» baǵdarlamasyn iske asyrý jáne volonterlar júıesiniń damýy. Naýryz ben mamyr aılarynda Qazaqstanda tótenshe jaǵdaı jarııalanǵanda, COVID-19-ǵa qatysty jasalyp jatqan isterdi halyqqa tez jetkizý maqsatynda, úkimettiń sheshimimen Respýblıkalyq kommýnıkasııalyq ortalyq quryldy.
«Onyń jumysyna bizdiń mınıstrlikpen qatar Densaýlyq saqtaý mınıstrliginiń ókilderi belsene qatysýda. Naýryz aıynda Coronavirus2020.kz saıty iske qosyldy. Onyń ishinde statıstıkalyq málimetter, ınfografıka, saraptamalyq materıaldarymen tolyqtyrylady. Saıtty kúnine 100 myń adam qaraıdy. Qazaqstannyń azamattarynan kelip túsken 41 myńnan astam ótinishke memlekettik organdar jedel jaýap berdi. «Telegram» messendjerinde @coronavirus2020.kz atty resmı kanal iske qosyldy, oǵan 300 myńnan astam oqyrman tirkelgen. Shilde aıynda Stopfake.kz saıtyn iske qostyq. Ol BAQ-ta, áleýmettik jelilerde jáne messendjerlerde taralǵan jalǵan aqparattardy anyqtap feık ekenin málimdep halyqqa túsindirý jumystaryn júrgizedi. Qazirgi kezge deıin 450-ge jýyq materıaldy jalǵan ekenin dáleldep qoǵamǵa jetkizdi», — dedi vıse-mınıstr.
Jalpy 2020 jyly KVI taqyryby boıynsha BAQ-ta 274 myń materıal jaryq kórgen.
