Basqosýǵa Mádenıet jáne sport vıse-mınıstri Nurǵısa Dáýeshov, Mádenıet jáne sport mınıstrliginiń Mádenıet jáne óner isteri departamentiniń dırektory Kúmis Seıitova, Qazaqstan Jazýshylar odaǵynyń tóraǵasy Ulyqbek Esdaýlet, Jazýshylar odaǵy Basqarma tóraǵasynyń birinshi orynbasary Aqberen Elgezek, Qazaqstan teatrlary assosıasııasynyń atynan Lıýbov Nı, Teatr qaıratkerleri odaǵynyń tóraǵasy Tuńǵyshbaı Jamanqulov, Sýretshiler odaǵynyń tóraǵasy О́mirbek Jubanııazov, Kompozıtorlar qaýymdastyǵynyń tóraǵasy Artyq Toqsanbaev, Dızaınerler odaǵynyń tóraǵasy Qambarbek Kóshenov, Kúıshiler odaǵynyń tóraǵasy Asqar Kenjeǵalıev, Aıtys aqyndary men jyr, termeshilerdiń halyqaralyq odaǵynyń tóraǵasy Júrsin Erman, Qolónershiler odaǵynyń ókili Aıjan Bekqulova, «Gıldııa krıtıkov» qoǵamdyq birlestiginiń tóraǵasy Erfat Mambekov, Horeograftar odaǵynyń tóraǵasy Dúısenbek Naqypov, Hor dırıjerlary odaǵynyń ókili Jibek Moldakárimova jáne ózge de odaq ókilderi qatysty.
Jıynda Aqtoty Raıymqulova odaq ókilderimen Mınıstrlik jáne shyǵarmashylyq ókilderi arasyndaǵy jumys, memlekettik áleýmettik tapsyrys aıasynda júzege asyrylatyn konkýrstarǵa qatysý jaıyn talqylady.
Mınıstr óz sózinde búgingi kezdesýdiń maqsaty shyǵarmashylyq odaq ókilderine memleket tarapynan kórsetiletin qoldaý máselesin túsindirip ótý ekenin aıtty.
«Qazir elimizde mádenıet jáne óner salasynyń 8 myńnan astam ókilin (jazýshy, dızaıner, kompozıtor, mýzyka jáne teatr qaıratkeri, horeograf, kınematografıst, sáýletshi, qolóner sheberi, sýretshi jáne t.b.) biriktiretin 16 respýblıkalyq jáne birqatar óńirlik shyǵarmashylyq odaq jumys isteıdi. Osy ýaqytqa deıin ózderińizben mádenı baǵdarlamalardy, túrli is-sharalardy birlese atqaryp kelemiz.
Osy rette Mınıstrlik aıtyskerler odaǵymen respýblıkalyq aıtysty, kınematografıster odaǵymen Eýrazııa halyqaralyq kınofestıvalin, teatr odaǵymen «Sahnager» ulttyq teatrynyń forým festıvalin, Sýretshiler odaǵymen sýret kórmelerin,Sáýletshiler odaǵymen halyqaralyq sáýletshiler sezin ótkizýge qoldaý kórsetkenin aıtýǵa bolady.
Memleket basshysy Qasym-Jomart Toqaevtyń shyǵarmashylyq odaqtardy qoldaýdyń júıeli sharalaryn qabyldaýǵa qatysty tapsyrmasyna sáıkes, memlekettik áleýmettik tapsyrys aıasynda mádenıet salasyndaǵy shyǵarmashylyq odaqtardy qoldaý qarastyryldy.
Shyǵarmashylyq odaqtar qoldanystaǵy zańnama sáıkes úkimettik emes uıymǵa arnalǵan memlekettik áleýmettik tapsyrys, granttar men syılyqtar ornalastyrý jónindegi konkýrstarǵa qatysa alady.
Osy rette Mınıstrlik memlekettik tapsyrys aıasynda shyǵarmashylyq odaqtardyń jobalalaryn qoldaý maqsatynda qarjy bólip, qoldanystaǵy zańnamaǵa sáıkes konkýrs jarııalady. Alaıda, koronavırýs pandemııasyna baılanysty biraz is-shara ótpedi, keıbiri onlaın formatqa aýysty.
Sonymen qatar ózderińizge belgili bolǵandaı eshbir shyǵarmashylyq uıym usynǵan qujattar talapqa saı kelmegendikten konkýrs ótpedi dep tanyldy. Degenmen Mınıstrik tarapynan aldaǵy ýaqytta da Sizderdi qoldaýǵa baǵyttalǵan sharalar jalǵasyn tabady»,-dedi Aqtoty Raıymqulova.
Osydan keıin sóz alǵan Nurǵısa Dáýeshov Mınıstrlik árdaıym odaqtarǵa qoldaý kórsetýge daıyn ekenin, búgin qol qoıylǵan eki jaqty Memorandým aıasynda birlese jumys isteıtinin jetkizdi. Al Kúmis Seıitova memlekettik áleýmettik tapsyrys aıasynda jobalardy iske asyrý boıynsha túsindirip ótti.
