Aımaqtar • 01 Aqpan, 2021

Shyǵys Qazaqstanǵa vaksınanyń 1300 dozasy jetkizildi

31 ret kórsetildi

Memleket Basshysy Qasym-Jomart Toqaevtyń tapsyrmasy boıynsha 1 aqpannan bastap Qazaqstanda «Spýtnık V» koronavırýsyna qarsy reseılik preparatpen erikti túrde vaksınalaý bastaldy, dep habarlaıdy Egemen.kz

О́skemende alǵashqy ekpeni ShQO SSK ókili Qanat Turdıev pen «Ana men bala ortalyǵy» ShJQ KMK bas dárigeri Ermek Omarbekov, Semeıde ShQO densaýlyq saqtaý basqarmasy basshysynyń orynbasary Dýman Berikuly jáne «Oblystyq perınataldyq ortalyǵy» ShJQ KMK bas dárigeri Arqat Daıyrbekov aldy.

«Pandemııa bizdiń ómir saltymyzdy aıtarlyqtaı ózgertti. Ol bárimizdi ózgertti. Biraq eger biz úırenshikti ómir saltymyzǵa oralyp, kınoteatrlar men teatrlarǵa barǵymyz kelse, eń basty 2 shartty, atap aıtqanda, vaksına alýymyz jáne QR Bas memlekettik sanıtarııalyq dárigeriniń barlyq nusqaýlaryn oryndaýymyz qajet. Sonda biz qalypty ómirge orala alamyz. Biz birgemiz! Biz bul pandemııany birge jeńemiz dep esepteımin», dedi Ermek Omarbekov.

Búginde ShQO-ǵa 1300 doza vaksına jetkizildi (650 О́skemen qalasynda, 650 Semeı qalasynda). Alǵashqy vaksınany О́skemen jáne Semeı qalalarynyń emhanalary alady.

Oblystyń densaýlyq saqtaý basqarmasynyń málimeti boıynsha aqpan aıynyń basynda vaksınalardy tasymaldaý jáne saqtaý úshin medısınalyq uıymdarǵa 16 bıomedısınalyq muzdatqysh pen kóp ret qoldanylatyn termotirkegishteri bar 60 termokonteıner qosymsha satyp alynady.

Vaksına salýǵa profılaktıkalyq egýge qarsy kórsetilimderi joq adamdar jiberiledi. Olar alar aldynda dárigerdiń mindetti tekserisinen ótedi. Monıtorıng jáne ádistemelik kómek kórsetýdi uıymdastyrý úshin jumys komıssııasy quryldy.

Sońǵy jańalyqtar

Petropavlda jas jigitti KamAZ qaǵyp ketti

Aımaqtar • 27 Mamyr, 2022

Uqsas jańalyqtar