Qazaqstan – Integraldy qýattyń jahandyq reıtınginde

Burnaǵy kúni As­­tanada Reseı Ǵy­­lym akade­mııa­sy Eko­nomı­ka­lyq strategııa­lar ınstıtýty halyqaralyq sa­rap­­shylar tobynyń «K novym vysotam» atty ujymdyq monografııasy­nyń tu­saýkeseri ótkeni belgili. Onda sharaǵa qatysqan halyqaralyq sarapshylar tobynyń ókilderi reseılik Aleksandr Ageev pen ulybrıtanııalyq Robın Metıýz monografııany jaryqqa shyǵarýǵa negiz bolǵan qaǵıdattar jóninde aıtyp bergen bolatyn.

Álemdegi 100 el Integraldy qýatynyń jahandyq reıtıngin qalyptastyrǵan sarapshylar Astanada bizdiń elimiz Memleket basshysy Nursultan Nazarbaev «Qazaqstan-2050» Strategııasynda alǵa qoıǵan álemdegi asa damyǵan 30 eldiń qataryna 2025 jyly-aq senimdi túrde jetetindeı múmkindikke ıe ekenin atap kórsetken edi.

Al arnaıy bette basqa da álemge belgili saıasatkerler men sarapshylardyń «Qazaqstan-2050» Strategııasyna qatysty aıtqan tujyrymdy oılary jarııalanyp otyr.

...Taıaýdaǵy 15-20 jyl boıy jahandyq trendterdiń yqpaly Qazaqstan úshin ońtaıly bolady. Jáne bul bizge dál osy 15-20 jylda barynsha úlken nátıjelerge qol jetkizý úshin qysqa merzimdik «múmkindikter terezesin» ashady.

Nursultan NAZARBAEV,

Qazaqstan Respýblıkasynyń Prezıdenti.

Burnaǵy kúni As­­tanada Reseı Ǵy­­lym akade­mııa­sy Eko­nomı­ka­lyq strategııa­lar ınstıtýty halyqaralyq sa­rap­­shylar tobynyń «K novym vysotam» atty ujymdyq monografııasy­nyń tu­saýkeseri ótkeni belgili. Onda sharaǵa qatysqan halyqaralyq sarapshylar tobynyń ókilderi reseılik Aleksandr Ageev pen ulybrıtanııalyq Robın Metıýz monografııany jaryqqa shyǵarýǵa negiz bolǵan qaǵıdattar jóninde aıtyp bergen bolatyn.

Álemdegi 100 el Integraldy qýatynyń jahandyq reıtıngin qalyptastyrǵan sarapshylar Astanada bizdiń elimiz Memleket basshysy Nursultan Nazarbaev «Qazaqstan-2050» Strategııasynda alǵa qoıǵan álemdegi asa damyǵan 30 eldiń qataryna 2025 jyly-aq senimdi túrde jetetindeı múmkindikke ıe ekenin atap kórsetken edi.

Al arnaıy bette basqa da álemge belgili saıasatkerler men sarapshylardyń «Qazaqstan-2050» Strategııasyna qatysty aıtqan tujyrymdy oılary jarııalanyp otyr.

Sarapshy sózi

KО́REGENDIK DEP AITÝǴA LAIYQ UTQYRLYQ

Qazaqstan Eýropa Odaǵy úshin óńirde saýda-sattyǵy men ınvestısııalary esebinen ǵana asa mańyzdy áriptes bolyp tabylmaıdy. Mańyzdyraǵy sol, turaqty el retinde úlken bedelge ıe... Qazaqstan álemdegi asa iri munaı óndirýshi eldiń biri bola otyryp, taza energııaǵa jáne resýrstardy tıimdi paıdalanýǵa negizdelgen bolashaq damýdyń strategııasyn qabyldasa, bul tek quptaýǵa ǵana laıyq nárse emes. Bul kóregendik dep aıtýǵa laıyq utqyrlyq... Astananyń «Bolashaqtyń energııa­sy» taqyrybynda halyqaralyq EKSPO-2017 kórmesin qabyl­daıtyny Eýropamen yntymaq­tas­tyq úshin burynǵydan da úlken múmkindikter beredi.

Joze Manýel BARROZÝ,

Eýropa komıssııasynyń prezıdenti.

EKONOMIKALYQ KÚN TÁRTIBINIŃ UTYMDYLYǴY

Prezıdent Nursultan Na­zar­baev Qazaqstannyń soń­ǵy eki onjyldyqtaǵy kópte­gen je­tistikterin oı saraby­nan ót­ki­ze kelip, onyń áleý­met­tik-eko­no­mıkalyq jáne dıplo­ma­tııa­lyq salalardaǵy kókeı­kes­ti máse­le­lerin eshqandaı qysyl­mastan ashyq jarııa etti.

О́ziniń Joldaýynda Qazaqstan Prezıdenti alda turǵan mindetterdi belgilep berdi. Onda óńirlik eko­nomıkalyq ıntegrasııaǵa, jer­gilikti demokratııany kúsheıtý men ıadrolyq qarý-jaraqty taratpaý salasynda kún tártibin qurýǵa yqpal etý máselelerine basa nazar aýdarylǵan.

Ásirese, ulttyq ekonomı­kany shıkizat eksportynan táýel­siz turǵyda ártaraptandyrý maq­sa­tyn­daǵy ekonomıkalyq kún tárti­bi óte jaqsy oılastyrylǵan. О́ıt­keni, bul jaıt Qazaqstandy nanotehnologııalar men bıotehnologııalar sııaqty jetekshi sektorlarda jetekshi oryndarǵa shyǵara alady. Jáne de shetel kapıtaly men tehnologııalaryn tarta otyryp, sheteldik áriptesterimen yntymaqtastyqty jandandyrýyna jol ashady.

Rıchard VAIS,

Hadson ınstıtýty janyndaǵy Áskerı-saıası

taldaý ortalyǵynyń dırektory (AQSh).

BASQA ELDER ÚShIN JAQSY JOLBASShY

Bárinen mańyzdysy, «Qa­zaqstan-2050» Strategııasy der kezinde jarııalanyp otyr já­ne Qazaqstandy qazirgiden de qýat­ty memleketke aınaldyrýda basty ról atqaratyn bolady. Or­nyqty damytýdy jalǵastyrý – asa mańyzdy baǵyt, al etnos­tyq, mádenı jáne dinı kóp­qyrlylyqty damytýǵa erekshe mán berilýi – eldegi turaqtylyqqa oń yqpal etetin jáne ha­lyq­aralyq qoǵamdastyqqa úlgi retinde usynýǵa bolatyn sheshýshi shart.

Infraqurylymdardy da­my­tý men ındýstrııany ár­ta­rap­­­tandyrýǵa joǵary nazar aýdarý­­dyń da mańyzy zor. О́ıt­ke­ni, bul bıliktiń barlyq tarmaq­tary­nan úı­lesimdi jáne kelisimdi is-qı­myldy talap etedi.

Halyqaralyq EKSPO-2017 kórmesi men EQYU-nyń Sammıtin ótkizý álemdik qoǵamdastyqtyń Qazaqstannyń álemdik damý men jahandyq qaýipsizdikke aıtar­lyqtaı úles qosýǵa múmkindigi mol ekenin tanyǵanyn kórsetedi.

Azyq-túlik qaýipsizdigi, sý tapshylyǵy men energetıkalyq qaýipsizdik sekildi «jahandyq syn-qaterlerdi» birizdendirý jáne atalǵan problemalardy sheshýdiń túrli joldaryn usyný ómirlik mańyzy zor másele ári basqa elder úshin jaqsy jolbasshy retinde qyzmet kórsete alady.

Kım MÝN-SÝ,

memlekettik jáne saıası qaıratker

(Koreıa Respýblıkasy).

NAZARBAEV BASTAMASYN TOLYQTAI QOLDAIMYN

Men Qazaqstan Res­pýb­lıkasynyń Prezıdenti Nur­sultan Nazarbaevtyń Búkil­álemdik daǵdarysqa qarsy kú­res boıynsha G-Global bastamasyn tolyqtaı qoldaımyn. G20 jáne G8 sheshimder qabyldaý men saraptamalar júrgizýde álsizdik tanytty. Olarda tıim­di usynystar daıyndaý men mindetterdi sheshý joldaryn izdestirýde tetikterdiń jet­kiliksizdigi kózge uryp turdy.

Memleketterdiń 90%-y osy forýmdarda daýys berý qu­qyna ıe. Nátıjesinde túrli sheshimderden aýytqýshylyqtar baıqalyp, ekijaqty janjaldar týyndaıdy, mundaı problemalarda jahandyq teńsizdik, baǵyt almastyrý saıasatynda jáne proteksıonızmde birjaqty qadamdar paıda bolady.

Qazaqstan – serpindi damýshy memleket jáne Eýrazııa keńistigindegi ıntegrasııalyq úderisterdiń belsendi qaty­sýshysy.

Qazaqstan Prezıdenti Nur­sultan Nazarbaev halyq­aralyq valıýta júıesin re­for­malaýǵa oń yqpal etýde. Jańa rynok­tar ókili bolyp tabylatyn el úshin bul – atalǵan úde­risterge qosylýdyń tamasha tá­sili. Sonda ǵana siz jaı ǵana qatysýshy el emes, reformator elge aınalasyz.

Robert MANDELL,

Ekonomıka jónindegi Nobel

syılyǵynyń laýreaty (Kanada).

TABYSTYLYQ – ÁRIPTESTIKKE JOL AShATYN ShART

Qazaqstan – bolashaǵy zor «jańa» álemdik derjavalar dep atalatyn topqa berik engen postkeńestik memleketterdiń asa tabysty mysaldarynyń biri. Qazaqstan – búkil álemge ashyq memleket. Tehnologııalyq damýǵa, jańǵyrtýǵa, ınnovasııalarǵa basymdyq berýi AQSh, Reseı, Qytaı, Úndistan, árıne, Eýropa elderi men basqa da iri memleketterdiń strategııalary jelisimen tolyqtaı sáıkesedi. Bul turǵydan alǵanda Qazaqstan ınvestısııalar úshin úlken pers­pektıvaly múmkindikter usyna alady.

Qazaqstan usynatyn osy pragmatıkalyq ekonomıkalyq únqatysý qazirgi kezde, ıaǵnı Batys daǵdarysty basynan ótkerip otyrǵan shaqta asa mańyzdy. Álemge ashyq Qazaqstannyń taǵy bir mańyzdy sáti – eldi kóptildi etý maqsaty. Bul jerde qazaq tili ulttyq til mindetin atqarsa, orys tili Qazaqstannyń Reseımen tarıhı baılanysyn kórsetedi, al aǵylshyn tili jahandyq qatynas tili retinde úlken mańyzǵa ıe. Osylaısha 140 etnostyq toby, 17 konfessııasy bar Qazaqstan búkil álemmen suhbat júrgizýge qabiletti.

О́simniń tamasha kórsetkishteri Qazaqstanǵa Eýropanyń asa jetekshi strategııalyq áriptesi bolýǵa múmkindik beredi. Taǵy bir mańyzdy sát – bul Qazaqstannyń, sonyń ishinde Keden odaǵy men Eýrazııalyq odaqty damyta otyryp rólin keńeıtý jáne BSU-ǵa qosylǵannan keıin halyqaralyq rynoktarǵa shyǵýy.

Tıberıo GRASIANI,

Geosaıasat joǵary mektebi

ınstıtýtynyń prezıdenti (Italııa).