2020 jylǵy 9 qazannan bastap osy jyldyń 1 aqpanyna deıingi kezeńde monıtorıngtik toptar karantındik sharalardyń saqtalýyn qadaǵalaý barysynda 373 buzýshylyq anyqtady.
Karantın rejımin qasaqana buzýshylarǵa qatysty jınalǵan materıaldar mekemeniń qyzmetin toqtatý maqsatynda ákimshilik sotqa jiberiledi.
Búgingi tańda Nur-Sultan qalasynyń mamandandyrylǵan aýdanaralyq ákimshilik sotynyń sheshimimen 12 qoǵamdyq mekemeniń qyzmeti toqtatyldy. Olardyń qatarynda "Janym sol", "Tequila" karaoke-barlary, "Zoloto" meıramhanasy, "Echo", "Storıs", "Abba" laýndj-barlary, "Kango" batýt ortalyǵy, "GINZA" karaoke-meıramhanasy, "Tabys" dúkeni bar. Joǵaryda atalǵan mekemelerdiń qyzmeti 1 aıǵa toqtatyldy. "Alanııa" túngi klýby sot sheshimimen 3 aıǵa, "Respawn" kompıýterlik klýby 2 aıǵa jabyldy.
Sonymen qatar, osy ShOB sýbektileriniń karantındi birneshe ret buzǵany anyqtaldy. Buǵan qosa zańdy tulǵalardyń jalǵan derektemelerin nemese basqa tulǵalarǵa jalǵa berilgeni týraly faktiler bar. Qoǵamdyq mekemelerdiń burynǵy mekenjaılarynda zańdy tulǵalardyń jıi aýysýy baıqalady.
Osyǵan baılanysty Nur-Sultan qalasy boıynsha koronovırýstyq ınfeksııanyń paıda bolýy men taralýyna jol bermeý jónindegi komıssııanyń kezekti keńesinde monıtorıngtik toptardyń quramyna aqparatty jedel usyný úshin Nur-Sultan qalasynyń memlekettik kirister departamentiniń qyzmetkerleri qosymsha engizildi.
2021 jylǵy 1 aqpandaǵy jaǵdaı boıynsha Nur-Sultan qalasynyń sanıtarlyq-epıdemıologııalyq baqylaý departamentiniń aýdandyq basqarmalaryna karantındi buzǵandarǵa qatysty barlyǵy 2 519 materıal kelip tústi. Onyń ishinde QR ÁQBtK-niń 425-baby boıynsha 1 244 jeke, laýazymdy jáne zańdy tulǵalar jalpy somasy 239 589 700 teńgege ákimshilik jaýapkershilikke tartyldy.
Qazirgi ýaqytta jalpy somasy 337 304 510 teńgege 1 612 ákimshilik aıyppul óteldi.
