«Kezdesý barysynda Asqar Mamındi qańtar aıynda ótken parlament saılaýynan keıin qurylǵan Qazaqstannyń jańa úkimettiniń jumysyn bastaǵanymen quttyqtadym, Qazaqstannyń jáne búkil Túrki áleminiń damý múddesi jolyndaǵy qyzmetine sáttilik tiledi»，deıdi Baǵdat Ámireev.
Sonymen qatar Túrki keńesiniń basshysy Úkimet basshysyna keńestiń jumysyna jasap júrgen ekpindi qoldaýy men qazaqstandyq memlekettik-atqarýshy mekemeleriniń uıymnyń kún tártibindegi máseleleriniń barlyǵyna derlik tıimdi sheshim tabýyna yqpal etip júrgenine alǵysyn jetkizdi.
Osy oraıda Premer-Mınıstr Túrki Keńesiniń qyzmetine oń baǵasyn berip, Qazaqstannyń aldaǵy ýaqytta da birigip jumys isteýge, uıym sheńberindegi yntymyqtastyqqa tolyq qoldaý berýge daıyn ekenin bildirdi.
«Asqar Mamınmen birge túrki álemindegi bolyp jatqan saıası, ekonomıkalyq jáne qoǵamdyq oqıǵalar tóńireginde jáne Túrki Keńesi aıasyndaǵy kópjaqty yntymaqtastyqtyń ózekti máseleleri týraly pikir almastyq. Sonymen qatar biz jaqynda Túrkistan qalasynda ótetin Túrki keńesi memleket basshylarynyń sammıtine daıyndyq barysyn, bul joǵary deńgeıdegi jıynnyń kún tártibi jáne de osy mańyzdy oqıǵaǵa baılanysty birqatar máseleler di talqylady», deıdi Túrki keńesiniń basshysy.
