Astanada Qazaqstan Respýblıkasy Syrtqy ister mınıstriniń orynbasary Qaırat Sarybaı men Marokko Koroldiginiń Syrtqy ister jáne yntymaqtastyq mınıstrliginiń Bas hatshysy Naser Býrıtanyń tóraǵalyǵymen Qazaqstan Respýblıkasy Syrtqy ister mınıstrligi men Marokko Koroldigi Syrtqy ister jáne yntymaqtastyq mınıstrligi arasyndaǵy saıası konsýltasııalardyń 2-shi raýndy bolyp ótti.
Astanada Qazaqstan Respýblıkasy Syrtqy ister mınıstriniń orynbasary Qaırat Sarybaı men Marokko Koroldiginiń Syrtqy ister jáne yntymaqtastyq mınıstrliginiń Bas hatshysy Naser Býrıtanyń tóraǵalyǵymen Qazaqstan Respýblıkasy Syrtqy ister mınıstrligi men Marokko Koroldigi Syrtqy ister jáne yntymaqtastyq mınıstrligi arasyndaǵy saıası konsýltasııalardyń 2-shi raýndy bolyp ótti.
Konsýltasııalar barysynda taraptar ekijaqty yntymaqtastyqtyń qazirgi jaǵdaıy men damý perspektıvalaryn, sondaı-aq, túrli salalardaǵy baılanystardy keńeıtý joldaryn, saýda-ekonomıkalyq qatynastardy ilgeriletý, ınvestısııalardy qorǵaý men yntalandyrý, dıplomatııalyq jáne qyzmettik pasporttar ıelerin vızalyq talaptardan bosatý týraly Úkimetaralyq kelisimder jobalaryna qol qoıýǵa daıyndyq máselelerin talqylady.
Taraptar halyqaralyq jáne óńirlik kókeıkesti máseleler boıynsha pikir almasty. Konsýltasııalardyń qorytyndysy boıynsha Hattamaǵa qol qoıyldy, saıası konsýltasııalardyń kezekti raýndyn Marokkonyń astanasy – Rabatta ótkizý týraly ýaǵdalastyqqa qol jetkizildi.
Sapary barysynda Naser Býrıtanyń Qazaqstan Parlamenti Senatynyń Tóraǵasy Qasym-Jomart Toqaevpen, Munaı jáne gaz mınıstrliginiń jaýapty hatshysy Qanatbek Safınovpen kezdesýleri bolyp ótti. Qazaqstan Prezıdenti janyndaǵy Memlekettik basqarý akademııasynyń rektory Bolatbek Ábdirasilovpen bolǵan kezdesýdiń qorytyndysy boıynsha Memlekettik basqarý akademııasy men Marokko Koroldigi Syrtqy ister jáne yntymaqtastyq mınıstrliginiń Dıplomatııalyq akademııasy arasynda О́zara túsinistik týraly memorandýmǵa qol qoıyldy, dep habarlady QR SIM-iniń baspasóz qyzmeti.
