«Esepti kezeńde ákimshilik polısııa organdary 118 592 avtokólikti tirkeýge qoıdy. Atalǵan kórsetkish ótken jyldyń sáıkes kezeńinen 7 paıyzǵa artyq. Onyń ishinde 107 171-i birneshe ret tirkelgender úlesinde, ıaǵnı bir adamnan ekinshi adamnyń atyna aýystyrylǵan kólikter sanatyna jatqyzyldy. Bir jyl burynǵy deńgeımen salystyrǵanda 3,3 paıyzǵa ósti. Al alǵash ret tirkelgen kólik quraldarynyń sany artyp, 11 421-di qurady. Bul kórsetkish byltyrǵa qaraǵanda 62 paıyz joǵary. 2020 jylǵy jeltoqsan aıymen salystyrǵanda bıylǵy qańtarda tirkelgen kólikter sany 18,2 paıyzǵa tómen boldy», dep atap kórsetilgen taratylǵan málimette.
2020 jyldyń qorytyndysy boıynsha Qazaqstan aýmaǵynda 12 jeńil elektromobıl tirkelgen.
«QazAvtoО́nerkásiptiń» habarlaýynsha, esepti kezeńde qaıta tirkelgen kólikterdiń úshten ekisinen astamyn (68,2 paıyzy) paıdalaný merzimi 10 jyldan asqan kólikter qamtyǵan.
Atap aıtqanda, 20 jyldan asqandardyń úlesi – 45 460 kólik (42,4 paıyz) bolsa, 11-den 20 jylǵa deıingiler – 25,8 paıyz (27 655 kólik). Al 4-ten 7 jylǵa deıingiler – 12 293 kólikke (11,5 paıyz), 8-den 10 jylǵa deıingiler – 15 588 kólikke (14,5 paıyz), 1-den 3 jylǵa deıingi kólik sany 6 131-ge jetti. Sonymen qatar paıdalaný merzimi 1 jylǵa jetpegen kólikterdiń úlesi 0,04 paıyz (44 avtomobıl) boldy.
