«Bekitilgen ádistemelerge sáıkes jergilikti qamtý úlesi boıynsha málimdelgen sandardy qaıta tekserý» tapsyrmasyna qatysty mınıstr atap aıtqandaı, bul tapsyrmany oryndaý úshin óńirlerge kóshpeli tekserýler uıymdastyrylady. Jumys toby jáne kóshpeli tekserýler kestesi quryldy. Top quramyna Bas prokýratýra, qarjy, ulttyq ekonomıka jáne energetıka mınıstrlikteriniń ókilderi kirdi.
«Otandyq taýarlardyń, jumystar men qyzmetterdiń qoldanylýyn rastaıtyn barlyq konkýrstyq qujattardy tekserýdi josparlap otyrmyz. Búgingi tańda jergilikti qamtý úlesiniń kórsetkishteri Pavlodar, Aqtóbe, Batys Qazaqstan jáne Qostanaı oblystarynda tómen bolyp otyr», dedi B. Atamqulov.
Jumyspen qamtý jol kartasy sheńberinde óńirlerde jalpy somasy 882,2 mlrd teńgege 6491 joba iske asyrylyp jatyr.
«Shyǵystardy josparlaý kezeńinde (tehnıkalyq-ekonomıkalyq negizdeme jáne jobalaý-smetalyq qujattama) baǵany kóterýge múmkindik bermeıtin tetikterdi engizý» tapsyrmasyna qatysty
Búgingi tańda bıýdjettik ınvestısııalar esebinen iske asyrý kezinde úlgilik jobalardy mindetti túrde qoldaný zańnamamen belgilengen. Bıyl 10 qańtarda qurylys jobalarynyń jańa memlekettik banki iske qosyldy, bul oń saraptama qorytyndylary bar jobalardy qaıta qoldanýǵa qosymsha múmkindik beredi. 2020 jyldyń 1 mamyrynan bastap saraptama portalynda áleýmettik nysandar qurylysy qunynyń shekti lımıtterin belgileıtin onlaın-kalkýlıator iske qosyldy.
«Bıýdjet zańnamasynda tyıym belgilendi, endi bıýdjetten rastalǵan qarjylandyrýsyz jobalardy ázirleýge jol berilmeıdi. Oǵan qosymsha, óńirlerde qajetsiz jobalardy ázirleýdi boldyrmaý úshin josparlaý kezinde obektini salalyq ortalyq memlekettik organdarmen aldyn ala kelisýdi kózdeýdi usynamyz», dedi B. Atamqulov.
«Árbir arnaıy ekonomıkalyq aımaq boıynsha oryndylyqqa taldaý júrgizý jáne arnaıy ekonomıkalyq aımaqtardyń jumys isteýiniń jańa modelin ázirleý» tapsyrmasyna qatysty Memleket basshysy arnaıy ekonomıkalyq aımaqtar qyzmetiniń tıimdiligi tómendigin jáne jobalardyń álsiz tolyqtyrylýy baıqalatynyn atap ótti. Mysaly, Jambyl oblysyndaǵy Hımpark-Taraz aýmaǵynda qurylǵan sátten bastap barlyǵy 1 joba iske qosylǵan. Almaty oblysynda Qorǵas-Shyǵys qaqpasy men «Qorǵas» Halyqaralyq shekaralyq yntymaqtastyq ortalyǵynda da jaǵdaı osyndaı.
Mınıstr atap ótkendeı, vedomstvo árbir arnaıy ekonomıkalyq aımaq boıynsha taldaý júrgizdi, damyǵan elderdiń tájirıbesi zerdelendi. Mynadaı jańa tásilder usynylady:
Birinshi. Jumys isteý merzimin 49 jylǵa deıin uzartý usynylady, óıtkeni ınvestısııalyq jobalardy iske asyrýdyń ońtaıly merzimi osyndaı.
Ekinshi. Arnaıy ekonomıkalyq aımaqtardyń aýmaqtaryndaǵy qyzmet túrleriniń basymdyǵyn alyp tastaý jáne óńdeýshi ónerkásiptiń barlyq salalary men sektorlary úshin qoljetimdilikti qamtamasyz etý.
Úshinshi. Árbir ınvestor úshin jeńildikti toptamanyń ınvestısııalar kólemi boıynsha ólshemderge sáıkestigine (qoldanylýyna) baılanysty túrli qoldanylý merzimderin usyný (5 jyldan 20 jylǵa deıin).
Tórtinshi. Jaýapkershilikti qarastyrý. Iаǵnı, mindettemeler oryndalmaǵan jaǵdaıda, bıznes tıisti kezeń úshin barlyq jete eseptelmegen salyqtardy qaıtarýy tıis.
Besinshi. Arnaıy ekonomıkalyq aımaqtardyń aýmaqtarynda jobalardy iske asyrý úshin daıyn óndiristik úı-jaılardy usyný múmkindigin qarastyrý.
«Biz energetıka, saýda jáne ıntegrasııa mınıstrlikterimen, sondaı-aq ákimdiktermen birlesip árbir arnaıy ekonomıkalyq aımaqty damytý boıynsha jol kartalaryn ázirleımiz», dedi B. Atamqulov.
«Turǵyn úı saıasatyn jetildirý boıynsha usynystardyń jańa paketin engizý» tapsyrmasyna qatysty
Mınıstrdiń aıtýynsha, jalǵa beriletin turǵyn úı qurylysyna jeke ınvestısııalardy tarta otyryp, turǵyn úı qurylysynyń jańa tetigi ázirlenedi. Sonyń aıasynda jeke qurylys qorlaryn qurý týraly sheshimder qaralady. Osy sharalardy iske asyrý qoldanystaǵy zańnamaǵa túzetýler engizilgennen keıin Nurly jer baǵdarlamasy sheńberinde iske asyrylady.
Sonymen qatar, kredıttik turǵyn úı qurylysy kólemin ulǵaıtý jáne «5-10-20» jobasyn jalǵastyrý usynylady (kezekte turǵandar úshin Otbasy banki arqyly jyldyq 5% - ǵa deıin jeńildikti qaryzdar berý).
«Ol úshin respýblıkalyq bıýdjetten jyl saıyn «Otbasy bank» arqyly 420 mlrd teńge bólý qajet. Bul jeke qurylys salýshylar men ákimdikterge jyl saıyn tirkelgen baǵamen 35 myń páter salýǵa múmkindik beredi. Osy tetik arqyly 1 eń tómengi kúnkóris deńgeıinen joǵary tabysy bar 353 myń adam (10 jyl ishinde) qoldaýǵa ıe bolady», dep túıindedi B. Atamqulov.
