Starategııalyq josparlaý jáne reformalar agenttigi Ulttyq statıstıka bıýrosynyń aqparatyna sáıkes, JOO-lardaǵy stýdentterdiń jalpy sany 576 557-ni quraıdy. Olardyń ishinde qyzdardyń sany – 306 799 nemese 53,2%. Bıylǵy oqý jylynda stýdentterdiń sany ótken oqý jylymen salystyrǵanda 4,6% tómendegen.
Barlyǵy oqýǵa 152 789 adam qabyldandy. 115 186 adam túrli sebeppen oqytý merzimi aıaqtalǵanǵa deıin JOO-dan shyǵarylǵan, bitirgender sany – 153 627. Stýdentterdiń jalpy sanynan 83% kúndizgi bólimde oqıdy, 7,6% – qashyqtan, 7,3% – syrttaı jáne 2% – keshki.
Memlekettik bilim berý granttarynyń esebinen 196 084 adam bilim alýda, bul stýdentterdiń jalpy sanynyń 34% quraıdy, aqyly negizde – 380 473 adam nemese 66% oqıdy.
Memlekettik tilde oqıtyn stýdentterdiń úlesi – 64,9%, orys tilinde – 29,6% jáne aǵylshyn tilinde 5,5% qurady. Bitirgen bilikti mamandar 153 627 adamdy qurady, bul 2019/2020 oqý jylymen salystyrǵanda 8% (142435 adam) artty. Shtattaǵy professorlyq-oqytýshylyq quramnyń sany 36 307 adamdy quraıdy, sonyń ishinde qosa atqarýshylyqpen 6137 oqytýshy jumys isteıdi.
Jalpy professorlyq-oqytýshylyq quramnan 8,1% qyzmetkerlerdiń ǵylym doktory ǵylymı dárejesi bar, ǵylym kandıdaty – 31,7%, professor ataǵy – 6,3% jáne dosent – 14,7%. Magıstr akademııalyq dárejesi bar oqytýshylardyń sany – 13067 adam nemese 36%, fılosofııa doktory (PhD) jáne beıin boıynsha doktor – 3079 adam nemese 8,5%.
