Alǵashqy kúni 94 adamǵa ekpe berildi. О́tken táýlikte Aqtóbe oblysynda 3 adamnan koronavırýs ınfeksııasy anyqtaldy.
Qazirgi kezde qaladaǵy № 2, 3, 4 emhanalarda, Otbasylyq medısına ortalyǵynda, oblystyq keńes berý-dıagnostıkalyq ortalyǵynda, «Medıkýs» ortalyǵynda «qyzyl» aımaqta júrgen aq halattylar ekpe qabyldap jatyr. Olar: ınfeksııalyq, karantındik stasıonar qyzmetkerleri, epıdemıologtar. Keshe oblys ákiminiń birinshi orynbasary Nurjaýǵan Qalaýov ta vaksına saldyrdy. Bul jumysqa 189 medısına qyzmetkeri tartylǵan. Birinshi kúni 91 adam egildi. «Qazirgi kezde ekpe salý Aqtóbe qalasynda júrgizilip jatyr.
Aýdandar bul naýqanǵa keıinirek kirisedi. Bizdiń mindetimiz – ekpe salý kezinde barlyq talap pen normalardy qatar saqtap, jaǵdaı jasaý», dedi óńir basshysy Ońdasyn Orazalın oblys ákimdiginde ótken jıyn kezinde.
Aıta keteıik, Aqtóbede tósek-oryn sany 445-ten 3603-ke deıin arttyrýǵa múmkindik bar. Olardyń 57,1% ottegimen qamtylǵan. 21 stasıonarlyq rentgen apparaty ornatyldy. 382 ókpeni jasandy jeldetetin apparaty, 450 ottegi konsentraty, 626 ottegi ballony, 787 Bobrov apparaty men 424 ottegi jastyǵy bar. Jedel járdem beketteri men emdeý mekemeleriniń avtoparki 41 sanıtarlyq mashınamen tolyǵyp, 6 mobıldi dıagnostıkalyq keshen satyp alyndy. Dárilik jáne jeke qorǵanys zattarynyń eki aılyq qory jasaldy.
