2021 jylǵy 1 aqpanda BJZQ «Otbasy banki» turǵyn úı qurylys jınaq banki» AQ ýákiletti operatorynan Qorǵa 25 qańtarda kelip túsken ótinishter boıynsha tólem júrgizýdi bastady. Jınaqtardy ýákiletti operatorǵa aýdarý ýákiletti operatordan BJZQ-ǵa salymshynyń ótinishi kelip túskennen keıingi 5 jumys kúni ishinde júzege asyrylady.
Esterińizge sala keteıik, 25 qańtarda, ıaǵnı «Otbasy banki» AQ-dan ótinishter túsken alǵashqy kúni jalpy somasy shamamen 49,2 mlrd teńgege 8 460 ótinish (nemese berilgen ótinishterdiń jalpy sanynyń 82%) tekserýden sátti ótti. Dál osy soma «Otbasy banki» AQ-ǵa salymshylardyń arnaıy shottaryna odan ári maqsatty paıdalaný úshin aýdaryldy.
Azamattardyń turǵyn úı jaǵdaılaryn jaqsartý jáne (nemese) emdelýge aqy tóleý úshin zeınetaqy jınaqtaryn nysanaly paıdalaný sharttaryna baılanysty barlyq máselelerin ýákiletti operator «bir tereze» qaǵıdaty boıynsha qaraıdy jáne arnaıy shotqa aqsha túskennen keıin osy máseleler boıynsha BJZQ-ǵa jekelegen ótinishter talap etilmeıdi.
