Saryaǵash APB kezekshi bóliminiń 102 pýltine «Jibek joly» shekara beketinde esirtki kontrabandasynyń jaıty anyqtalǵany týraly habarlama kelip tústi. Oqıǵa ornyna kelgen polıseıler ótkizý pýnktinen ótý kezinde sheteldikterdiń birine «Lında» atty qyzmettik ıt belgi bergenin anyqtady. Jedel ýákilder kúdiktini, Qazaqstan azamatyn tintý kezinde butyna kıgen shalbarynyń arasynda eki dana músheqapqa oralǵan esirtki zatyna uqsas zat tabylyp, tárkilenip alyndy.
Tártip saqshylary ustalǵan er adamdy aýdandyq polısııa bólimine jetkizdi. Saraptamaǵa sáıkes, alynǵan ósimdik tektes zat salmaǵy 2 gramnan asatyn «Apıyn» bolyp shyqty. Qazirgi ýaqytta atalǵan jaıt boıynsha QR QK-niń 286-baby (Aınalystan alyp qoıylǵan zattardyń nemese aınalysy shektelgen zattardyń kontrabandasy) sotqa deıingi tergeý amaldary júrgizilýde. Búgingi tańda Shymkent qalasynyń turǵyny qamaýǵa alyndy. Tergeý oqıǵanyń barlyq mán-jaıdy anyqtaıdy.
О́z kezeginde Túrkistan oblysynyń polıseıleri esirtki zattaryn zańsyz saqtaǵany, ótkizgeni, ósirgeni jáne kontrabandasy úshin qylmystyq jaýapkershilik qarastyrylǵanyn eskertedi. Sonymen qatar, tártip saqshylary oblys turǵyndaryn zııandy ádetterden bas tartyp, salaýatty ómir saltyn ustanýǵa shaqyrady. Eger sizde esirtkiniń zańsyz aınalymyna baılanysty derekter týraly qandaı da bir aqparat bilseńiz, tez arada polısııaǵa «102» telefony boıynsha habarlasyńyz.
