Qatysýshylar Qazaqstan Respýblıkasynyń Densaýlyq saqtaý salasyn damytýdyń 2020-2025 jyldarǵa arnalǵan memlekettik baǵdarlamasynyń qorytyndylaryn jarııalady. Osylaısha, elorda memlekettik baǵdarlamanyń 19 mańyzdy ındıkatoryna qol jetkizdi. Sonymen qatar, Nur-Sultanda medısınalyq-demografııalyq kórsetkishter jaqsaryp, tirkelgen azamattardyń elektrondyq densaýlyq pasporttary jasaldy.
Sondaı-aq, elordada 2 100 adamnan turatyn kadrlyq rezerv quryldy, olar KVI bar pasıentterdi dıagnostıkalaý jáne emdeý boıynsha oqytyldy. Pandemııa bastalǵaly beri shamamen 24 myń pasıentke qyzmet kórsetken mobıldi brıgadalar týraly da esten shyǵarmaý kerek, olar qashyqtyq formatta 53 myń adamǵa kómek kórsetti.
Qalalyq Densaýlyq saqtaý basqarmasynyń habarlaýynsha, ınsýlt kezindegi 320 neırohırýrgııalyq operasııanyń 102-si joǵary tehnologııalardy qoldana otyryp jasalǵan.
Memleket basshysy Qasym-Jomart Toqaev Úkimettiń keńeıtilgen otyrysynda sóılegen sózinde densaýlyq saqtaý júıesi pasıentterge baǵdarlanýy, olardyń múddelerin, densaýlyǵy men ómirin birinshi orynǵa qoıýy tıis ekenin atap ótti.
Prezıdent ana ólimi máselesine erekshe nazar aýdardy. Oǵan sebep retinde perzenthanalar nashar jabdyqtalǵanyn aıryqsha atap ótken bolatyn.
"Barlyq densaýlyq saqtaý uıymdary túgendeý júrgizý qajet. Bul rette bosandyrý jáne reanımasııa qyzmetterine nazar aýdarý, sondaı-aq olardy medısınalyq jabdyqtarmen, dári-dármektermen jáne buıymdarmen jabdyqtaý boıynsha sharalar qabyldaý mańyzdy", - dep tapsyrdy Baqtııar Máken alqa otyrysynda.
Sonymen qatar, ákimniń orynbasary ótken jyldyń qorytyndysy boıynsha kópbeıindi aýrýhanalar salý, jumys istep turǵan medısınalyq uıymdardyń korpýstaryn rekonstrýksııalaý jáne qalalyq emhanalar salý arqyly elordalyq densaýlyq saqtaý jelisin damytýǵa múddeli sheteldik ınvestorlarmen birqatar kezdesýler ótkizilgenin atap ótti.
"Qalanyń turǵyn úı alaptarynda MSAK ortalyqtaryn salý josparda bar, bul elordanyń shalǵaı aýdandarynda turatyn halyqqa medısınalyq kómek kórsetýge múmkindik beredi", - dedi B.Máken.
Ol elordanyń medısınalyq uıymdaryna medısına qyzmetkerleriniń biliktiligin úzdiksiz arttyrýdy jáne MSAK uıymdarynyń reprodýktıvti densaýlyqty qorǵaý jónindegi jumysynyń tıimdiligin arttyrýdy tapsyrdy.
