Agenttik Tóraǵasy Memleket basshysynyń bastamasymen qabyldanǵan saıası jańǵyrtý sharalaryna erekshe nazar aýdardy. Osy baǵyttaǵy kelesi qadamdar – aýyldyq okrýg ákimderin tikeleı saılaýdy, saıası partııalardyń Májiliske ótý shegin 7-den 5%-ǵa deıin tómendetýdi jáne saılaý bıýlletenine «barlyǵyna qarsy» baǵanyn engizýdi qamtıdy.
Sybaılas jemqorlyqqa qarsy jumys týraly aıta kelip, Alık Shpekbaev salalyq zańnamanyń novellalaryn jan-jaqty túsindirdi. Olardyń ishinde sybaılas jemqorlyq úshin jaýapkershilikti kúsheıtý, sybaılas jemqorlyqqa qarsy komplaensti zańnamalyq bekitý, múddeler qaqtyǵysyn boldyrmaý jónindegi sharalardy kúsheıtý, memlekettik qyzmetshiler, depýtattar, sýdıalar jáne basqalar úshin sheteldik bankterdegi shottarǵa tyıym salý bar.
О́z kezeginde Krıstofer Makkı Qazaqstanda sybaılas jemqorlyqqa qarsy saıasatty júzege asyrý tásilin joǵary baǵalady.
«Qazaqstan ózge elderden, ásirese, óńirde aıtarlyqtaı erekshelenedi. Sybaılas jemqorlyqqa qarsy bastamalardyń saıası deńgeıdegi transformasııalyq ózgeristermen kúsheıe túsýinde aıryqsha erekshelik bar», dep atap ótti spıker.
PRS Group basshysy Sovid-19 pandemııasynyń jáne áleýmettik-ekonomıkalyq qalpyna keltirý sharalaryn qabyldaý aıasynda ózektiligi birneshe ese artyp kele jatqan «Halyq únine qulaq asatyn memlekett» saıasaty týraly oń pikir bildirdi.
Sarapshy memlekettik qyzmetterdiń 93% elektrondy formatta qoljetimdi ekenin atap ótip, sıfrlandyrý men eldiń ınvestısııalyq tartymdylyǵynyń ózara baılanysyn atap ótti. Nátıjesinde, Dúnıejúzilik Banktiń Sybaılas jemqorlyqty baqylaý ındeksi men Transparensı Interneshnl Sybaılas jemqorlyqty qabyldaý ındeksi kórsetkishteriniń ósýinen de kórinis tabady.
Sondaı-aq K.Makkı Agenttik qyzmetindegi jobalyq tásilge nazar aýdardy. Jaqynda sybaılas jemqorlyqqa qarsy jobalar jónindegi Basqarýshy komıtettiń qurylýy naqty ólshenetin nátıjelerge baǵdarlanýǵa múmkindik beredi.
