Vıse-mınıstr búginde elimiz boıynsha barlyq memlekettik organ men jeke jáne memlekettik kásiporyndarda sıfrlandyrý úrdisi júrip jatqanyn aıtty.
«Bilim jáne ǵylym mınıstrliginde de bul baǵytta biraz jumys atqaryldy, degenmen toqmeıilsýge bolmaıdy. Biz 2019 jyly halyqqa kórsetiletin memlekettik qyzmetterdiń 76% ońtaılandyrdyq. 2021 jyldyń sońyna deıin bilim berý salasyndaǵy taǵy 9 memlekettik qyzmetti avtomattandyrý josparda bar. Endigi kezekte stýdentterge kórsetiletin memlekettik qyzmetterdiń barlyq túrin avtomattandyrýdy kózdep otyrmyz. Iаǵnı, qajet qyzmetti stýdentter óz smartfondary arqyly alatyn bolady», dedi mınıstrdiń orynbasary.
Rústem Bıǵarıdiń aıtýynsha, Qazaqstandaǵy joǵary oqý oryndarynda stýdentterge qyzmet kórsetý ortalyqtarynyń jumys istep jatqanyna birneshe jyl boldy. Ýaqyt kórsetip otyrǵandaı, mundaı ortalyqtardyń tıimdiligi az.
«Sol sebepti 2021 jyldyń sońyna deıin stýdentterge kórsetiletin bilim berý aıasyndaǵy memlekettik qyzmetterdi avtomattandyrý boıynsha jumys isteımiz. Mektepterge, kolledjderge, joǵary oqý oryndaryna qabyldaý sııaqty qyzmetter de kezeń-kezeńimen tolyǵymen elektrondyq formatqa kóshiriledi. Osylaısha, bıyl 1-synypqa qujattardy qabyldaý tek elektrondyq túrde júzege asyrylady. Memlekettik qyzmetterdi avtomattandyrýdyń jaǵymdy tustary tek bilim alýshylar men olardyń ata-analary úshin ǵana emes, sondaı-aq muǵalimderge de qatysty bolmaq. Áleýmettik jelilerdegi paraqshama attestattaýǵa qujattardy tapsyrý kezinde bıýrokratııaǵa tap bolǵan muǵalimderden únemi habarlamalar túsip jatady. Sondyqtan qazirgi ýaqytta muǵalimderimizdiń býma-býma qujattardy jınaýǵa ketetin ýaqytyn zaıa jibermeı, kerisinshe, biliktilikterin arttyryp, attestattaýǵa daıyndalýǵa múmkindik berý maqsatynda jumys istep jatyrmyz», deıdi Rústem Bıǵarı.
Osy rette aldyǵa qoıǵan mindetterdiń qalaı júzege asyrylatyny týraly naqtylap ótti.
1.Muǵalim óz portfolıosyn Ulttyq bilim berý derekqoryna (NOBD) júkteıdi;
2. Elektrondy formattaǵy portfolıony barlyq qajetti aqparatpen tolyqtyrady;
3. Testileýge daıyndyq Ulttyq biliktilik testileýine qatysý úshin ótinishterdi qabyldaý testileý biliktilik sanatyn taǵaıyndaý rásimin ótkizý boıynsha attestattaý komıssııasynyń jumysy biliktilik sanatyn berý jalaqyǵa ústemeaqy!
«Iаǵnı, biz muǵalimder úshin attestattaýdyń ekinshi kezeńin jeńildetkimiz keledi. О́ıtkeni ekinshi kezeńge ótken muǵalimder bilim bólimderi men basqarmalarynyń keńsesine, «Azamattarǵa arnalǵan úkimet» nemese egov.kz arqyly qaǵaz ne elektrondy nusqada qujattar toptamasyn tapsyrady. Osy oraıda biz bilim berý salasynda halyqqa kórsetiletin barlyq memlekettik qyzmetti ońtaılandyrýǵa nıettimiz», dedi Bilim jáne ǵylym vıse-mınıstri.
