Bıylǵy oqý jyly álemde bolyp jatqan pandemııaǵa baılanysty barlyǵy derlik oqý oryndary onlaın rejımindegi jumysqa kóshken bolatyn. Esenov ýnıversıteti 2019-2020 oqý jylynda oqý prosessin onlaın júıede bastaǵan bolatyn. «Online» rejımindegi oqý sabaqtary oqytýshy men bilim alýshy arasyndaǵy oqý úderisi google meet platformasynda bilim alýǵa múmkindik aldy. Bilim jáne ǵylym mınıstri Ashat Aımaǵambetovtiń baıandamalarynda jańa formattaǵy bilim júıesiniń modelin qurý aıasynda qashyqtyqtan oqytý – bilim berýdiń aqparattyq jáne telekommýnıkasııalyq tehnologııalardyń kómegimen júzege asyrylatyn arnaıy túri ekendigi aıtylyp ótken. Osy baǵytta oqytýshylardyń arnaıy dáris beretin pánderi boıynsha vıdeosabaqtar daıyndalyp bilim alýshy men oqytýshy arasyndaǵy keri baılanystyń bolýyna múmkindik alyndy.
Sondaı-aq álemdegi eń úlken onlaın-bilim berý platformasy bolyp tabylatyn Coursera kompanııasy osyndaı pandemııa ýaqytynda álemniń ýnıversıtetterine kómektesýge arnalǵan jańa qyzmet Coursera for Campus jobasyn iske qosty. Esenov ýnıversıteti osy jobanyń qatysýshysy. Qashyqtyqtan oqytý barysynda ýnıversıtet oqytýshylary Coursera for Campus jobasyndaǵy óz pánderimen baılanysty kóptegen onlaın kýrstardy semınar jáne zerthanalyq sabaqtarda qoldandy.
-Esenov ýnıversıtetinde aǵymdaǵy oqý jylynda stýdentterge sabaq berý prosessi «Kanvas» platformasy arqyly júzege asyryla bastady. Oqý jylynyń 2 oqý semestri kezeńinde, halyqtyń syrqattanýshylyq deńgeıiniń turaqty tómendeýine baılanysty, 1 kýrs stýdentteri aralas formada: dáris sabaqtary onlaın júıede, tájirıbe sabaqtary, zerthanalyq jumystar offlaın júıede uıymdastyryldy. Qalǵan kýrstar sabaqtary onlaın rejıminde jalǵastyrylýda. Ýnıversıtette oqytýda barlyq talapqa saı sanıtarlyq-epıdemıologııalyq rejımdi saqtaı otyryp bilim alýǵa múmkindik berildi. Basty talap adam densaýlyǵy bolǵandyqtan, oqý aýdıtorııalarynda, dálizderde mindetti túrde sanıtarlyq normalarǵa sáıkes ara qashyqtyqty saqtaý, bet perde kııý, antıseptık qoldaný, úsh adamnan artyq toptaspaý sharalary qolǵa alynyp, bul sharalardy qatań saqtaý stýdentter men oqytýshylarǵa, ýnıversıtettiń barlyq qyzmetkerlerine mindetteldi, deıdi bıznes jáne quqyq fakýltetiniń dekany G. Djoldasbaeva.
Mańǵystaý oblysy
