Zań jobasyn talqylaýǵa Almaty, Jambyl, Qyzylorda, Túrkistan oblystary men Shymkent qalasynyń azamattyq qoǵam ókilderi qatysty.
Vıse-mınıstr Bolat Tlepov óz sózinde zań jobasyn iske asyrýdyń negizgi baǵyttary men tetikterine toqtalyp, zań jobasynyń negizgi maqsaty qoǵamdyq baqylaý júıesiniń quqyqtyq negizin qurý ekendigin habarlady.
Talqylaý barysynda «Jambyl oblysynyń Azamattyq alıans Assosıasııasy» ZTB tóraǵasy Zaıtjan Iýldashev zań jobasynda obekt pen sýbekt arasyndaǵy aıyrmashylyqtyń sıpattamasy eskerilmegendigin jáne qoǵamdyq baqylaý sýbektileriniń qatarynda táýelsiz BAQ ókilderiniń sanaty bolýy kerek ekenin atap ótti.
«Jalyn» QB basshysy Qurmet Kerimbekov atalǵan zań qoǵamǵa qajetti ekenin ataı kele, qoǵamdyq baqylaý sýbektisi qoǵamdyq baqylaýdy obektiniń ruqsatynsyz júzege asyrýǵa quqyly bolý kerek ekenin jáne de qoǵamdyq baqylaýdy júrgizý qandaı da bir qarajatty talap etýine baılanysty, qoǵamdyq baqylaý sýbektileri úshin granttyq qoldaý túrinde materıaldyq qamtamasyz etý máselesin eskerýdi usyndy.
Zań jobasyn talqylaý boıynsha kelesi óńirlik otyrysty Shyǵys Qazaqstan, Pavlodar, Qaraǵandy oblystarynyń qoǵam ókilderimen ótkizý josparlanýda.
Esterińizge sala keteıik, Memleket Basshysy Qasym-Jomart Toqaev memlekettik organdar men kvazımemlekettik sektordyń qoǵamǵa ashyqtyǵy men esep berýin qamtamasyz etý maqsatynda «Qoǵamdyq baqylaý týraly» Zańdy ázirleý jáne qabyldaý tapsyrylǵan bolatyn.
