«Menin Armanym» korporatıvtik qory – elimizdiń ər óńirindegi aýyr dertke shaldyqqan naýqas balalardyń arman-tilekterin oryndaýǵa qolǵabys etedi. Osy oraıda qor dırektory Shamıl Dúısenǵazyuly atqarylǵan jumystan habardar etti.
«Biz bul jobany qolǵa almaı turyp, uzaq ýaqyt boıy elimizdiń qaıyrymdylyq naryǵyn zerttedik. О́zderińiz biletindeı, Qazaqstanda qaıyrymdylyq qorlary kóp, alaıda áli biryńǵaı júıe ornyǵa qoımaǵan. Ár qordyń ózindik ereksheligi bolǵandyqtan, biz armandardyń oryndalýyna jol ashqymyz keldi. Osy maqsatta biz Túrkııaǵa baryp, 40 jyldyq tájirıbesi bar uıymnyń tujyrymdamasyn negizge aldyq. Bertinge deıin olar əlemdegi 500 myń balanyń armandaryn oryndaǵan. Elimizde mundaı alań qalyptaspaǵandyqtan, túrik əriptesterimizdiń jumysymen tanysyp, ári qaraı óz qorymyzdy qurýǵa bel býdyq», deıdi qor dırektory.
Búginge deıin naýqas 13 balanyń qalaýy júzege asyrylǵan. Solardyń ishinde kómeı papıllomatozynyń dıagnozy qoıylǵan Shymkent qalasynyń 8 jastaǵy turǵyny Damelıa Taǵaıhanovanyń kishigirim armany oryndaldy. Onyń armany − eseıgende dáriger bolyp, adamdar aýyrmaı, jarqyn ómir súrýine qolǵabys etý. Qor ókilderi Shymkent qalasynyń №6 qalalyq emhanasynymen kelise otyryp, Damelıanyń armanyn júzege asyrdy. Iаǵnı emhananyń dárigerleri oǵan shaǵyn ekskýrsııa uıymdastyryp, ártúrli dárigerlik qural-jabdyqtardy kórsetken. Ekskýrsııa sońynda dárigerler bolashaq mamannyń qyzyǵýshylyǵyn oıatý maqsatynda balalarǵa arnalǵan medısınalyq jıyntyqpen qosa, estelikke syılyqtar tabystady.
Al bas mıynyń isigi dıagnozy qoıylǵan Tursynbaev Baǵlannyń bolashaqtaǵy armany kásipker bolý eken. О́zi 16 jasta bolsa da, ómirge qushtarlyǵy erekshe dep aıtýǵa bolady. Ol elimizge tanymal ári úzdik kásipker Syrymbek Taýmen kezdesti.
Kásipkerdiń bastamasy boıynsha ol apta saıyn Kólsaıdaǵy bıznes-trenıngke qatysqan. Sonymen qatar Baǵlan «Altyn Kopir» netvorkıng keshiniń qonaǵy bolyp jáne elimizdiń eń úzdik kásipkerlerimin jolyqty. Sol kúni oǵan «Yokohama» atynan arnaıy syılyq tabystalyp jáne qordyń atynan estelik statýetkasy berildi.
Aıta keterligi, bul korporatıvtik qorǵa kez kelgen adam erikti bolyp jumys isteı alady. Degenmen qor basshysy eriktilerdi bastapqy kezde psıhologııalyq turǵydan daıyndaıtyndaryn tilge tıek etti.
«Biz olardy psıhologııalyq turǵydan daıyndaımyz. Eń aldymen, qordyń jumysyn bastamas buryn qyzmetkerlerge emosıonaldy kómek qajet ekenin túsindik. Sol sebepti olarǵa motıvasııa bere otyryp, eriktiler qulshynysyn oıata bildik desek, qatelespegenimiz. Osyndaı prosesterden ótkennen keıin ǵana eriktilerdiń jumys barysyndaǵy kez kelgen qıyndyqqa tótep bere alady. Máselen, alǵashqy eki balanyń armanyn oryndaǵannan soń, olar da emosıonaldy turǵydan qıyn ekenin túsindi. Sondyqtan biz mindetti túrde sheberlik sabaǵyn ótkizemiz. Osyǵan baılanysty jeltoqsan aıynyń sońynda olarmen qosymsha taǵy onlaın sheberlik sabaǵy ótti», deıdi Sh.Dúısenǵazyuly.
Sondaı-aq ol sheberlik sabaǵyna respýblıkanyń túkpir-túkpirinen jastar qyzyǵýshylyq tanytyp, ózderiniń belsendiligin kórsetkenin aıtyp ótti. Aldaǵy tańda sýpervaızerlerge bólek sheberlik sabaǵy ótetinin qosa ketti.
Qazaqstanda qaterli dertke shaldyqqan, emdeýge kelmeıtin ondaǵan myń naýqas bala bar. Keıbireýiniń kórer qyzyǵy sanaýly: birneshe jyl nemese birneshe aı. «Menin Armanym» korporatıvtik qorynyń basty maqsaty − balanyń moraldyq jaǵdaıyn jaqsartý úshin pallıatıvti jəne emosıonaldy kómek kórsetý, ər balaǵa kúndelikti aýyr syrqattarmen kúresý úshin jańa serpin berý. Qazaqstannyń kez kelgen azamaty jobanyń demeýshisi bola alady nemese eriktiler qozǵalysyna qatysa alady.
