Qoǵam • 04 Aqpan, 2021

BJZQ Qazaqstandyqtardyń shotyna 112,3 mlrd-tan astam teńge aýdardy

284 ret

kórsetildi

1 mın

oqý úshin

2021 jylǵy 1 jáne 2 aqpanda BJZQ salymshylardyń ýákiletti operatorlarda ashylǵan arnaıy shottaryna 112,3 mıllıard teńgeden astam qarjy aýdardy. Osylaısha «Otbasy bank» turǵyn úı qurylys jınaq banki» AQ jáne «Qazaqstan Halyq banki» AQ ýákiletti operatorlarynan BZT alý boıynsha kelip túsken 20 252 ótinim oryndaldy, dep habarlaıdy BJZQ resmı saıtyna silteme jasap.

Marjan TILEÝBEK

BJZQ Qazaqstandyqtardyń shotyna 112,3 mlrd-tan astam teńge aýdardy

Esterińizge sala keteıik, Úkimettiń 2021 jylǵy 19 qańtardaǵy qaýlysymen bekitilgen Biryńǵaı jınaqtaýshy zeınetaqy qorynan mindetti zeınetaqy jarnalary, mindetti kásiptik zeınetaqy jarnalary esebinen qalyptasqan zeınetaqy tólemderin, birjolǵy zeınetaqy tólemderin turǵyn úı jaǵdaılaryn jaqsartý jáne (nemese) emdelýge aqy tóleý maqsatynda júzege asyrý, olardy Biryńǵaı jınaqtaýshy zeınetaqy qoryna qaıtarý qaǵıdalary 2021 jylǵy 30 qańtarda kúshine endi.

Qaǵıdalarǵa sáıkes, jınaqtardy ýákiletti operatorǵa aýdarý ýákiletti operatordan BJZQ-ǵa salymshynyń ótinishi kelip túskennen keıingi 5 jumys kúni ishinde júzege asyrylady.

Azamattardyń ótinim berýge jáne zeınetaqy jınaqtaryn turǵyn úı jaǵdaılaryn jaqsartý jáne (nemese) emdelýge aqy tóleý úshin nysanaly paıdalaný sharttaryna baılanysty barlyq máselelerin ýákiletti operator «bir tereze» qaǵıdaty boıynsha qaraıdy jáne BJZQ-ǵa jeke ótinish berý talap etilmeıdi.