Ekonomıka • 04 Aqpan, 2021

Bankter halyq talabyn eskere bastady

203 ret kórsetildi

Otandyq ekinshi deńgeıli bankterdegi depozıt jınaǵy 2020 jyly 3,6 trln teńgege jetip, rekordtyq kórsetkish ornatty, dep habarlaıdy Egemen.kz.

Qazaqstan qarjygerler qaýymdastyǵynyń habarlaýynsha, el ekonomıkasynyń (-2,6 paıyz) tómendep ketkenine qaramastan bank sektorynyń aktıvteri 2020 jyly 16 paıyzǵa ósip, sońǵy 5 jyldaǵy rekordtyq nátıjege jetken. Bul oraıda jıyntyq qaryz portfeli 7,1 paıyzǵa kóbeıgen.    

«Aktıvter ósimin qarjylandyrý negizinen klıentter depozıtin tartýdyń arqasynda boldy. Ekonomıkadaǵy nesıe ósiminiń draıveri retinde ıpotekalyq nesıelendirýdi ataımyz. Salymshylardyń júıege degen seniminiń de óskeni baıqalady. Jeke tulǵalar depozıti 18, zańdy tulǵalar depozıti 23 paıyzǵa artqan» delinedi qaýymdastyq habarlamasynda.

Bankterdiń sıfrlaný júıesine jyldam qosylyp, óz marketpleısteri men ekojúıelerin iske qosýy qosymsha tabystyń kelýine serpin bergen.

«Bir jaǵynan pandemııa jaǵdaıynda klıentterdiń muqtajdyǵy men tártibi de ózgerdi. Jańa sharttarǵa jaýap berý úshin nesıe mekemeleri operasııalyq modelderin qaıta qarap, sıfrlyq baılanys kanaldaryn qabyldaý salasyn keńeıte tústi. О́z marketpleısteri men ekojúıelerin damytty, bul bank qyzmetine degen qoljetimdilikti arttyrdy. Qyzmetterdi, operasııalyq prosesterdi jáne uıymdastyrýshylyq qurylymdardy jedel sıfrlandyrý qarjylyq qosylýdy yntalandyrýǵa, sapaly qaryz alýshylar men qosymsha paıdaǵa degen básekelestiktiń kúsheıýi jaǵdaıyndaǵy naryq úlesiniń artýyna yqpal etti» dep jazady qarjygerler uıymy.

Osylaısha, ekinshi deńgeıli bankter dástúrli qarjylyq ónimder (nesıe, depozıt) usyný sheńberinen shyǵyp, halyq pen bıznestiń talap-tilekterin oryndaýǵa baǵyttalǵan qyzmetter men sheshimderdiń keń spektrin usynýǵa kóshti. 

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar