Qarjy uıymdary degende, ekinshi deńgeıli bankter, bank operasııalarynyń jekelegen túrlerin júzege asyratyn uıymdar, saqtandyrý (qaıta saqtandyrý) uıymdary, kollektorlyq agenttikter jáne mıkroqarjy qyzmetin júzege asyratyn uıymdarǵa agenttik tarapynan 253 ákimshilik jaza qoldanylǵan. Tek bankterge qatysty 94 qadaǵalap den qoıýdyń usynymdyq sharasy, 4 jazbasha uıǵarym, 75 ákimshilik jaza qoldanylyp, 38,8 mln teńge aıyppul salynǵan.
Bankter negizinen tólem jáne (nemese) aqsha aýdarymy boıynsha nusqaýdy oryndaýdyń tólemder týraly zańda belgilengen merzimderiniń buzylýy, jyldyq tıimdi syıaqy mólsherlemesin kórsetý jónindegi mindetti oryndamaý, BAQ-ta shyndyqqa sáıkes kelmeıtin jarnamany jarııalaý, nesıe tarıhy sýbektilerine qatysty durys emes málimetterdi berý, klıenttiń kelisiminsiz nesıelik esep alý jaǵdaılary boıynsha kináli dep tanylǵan.
Saqtandyrý uıymdaryna qatysty 6 ákimshilik jaza qoldanylyp, jalpy somasy 1,8 mln teńgege aıyppul salynǵan. Bul rette mıkro qarjy uıymdaryna qoldanylǵan ákimshilik jaza áldeqaıda kóp – 165 ákimshilik jaza. Shaǵyn qarjy uıymdary shart jasasý tártipterin jıi buzady eken. Olar jalpy somasy 85,1 mln teńge aıyppul tóleýge májbúr bolǵan. Sonymen qatar mıkro qarjy uıymdary jyldyq tıimdi syıaqy mólsherlemesiniń mólsherin kórsetpeı, nesıe bıýrosyna dáıeksiz málimetter usynyp, zań buzýshylyqtarǵa jol bergen.
О́z kezeginde kollektorlyq agenttikter de jazadan tys qalmaǵan. Olarǵa qatysty 7 ákimshilik jaza qoldanylyp, 1,6 mln teńge aıyppul tóleýge mindettelgen.
