ALTEL 4G jańa býynynyń qyzmeti Astana jáne Almatydan keıin ústimizdegi jyldyń 20 jeltoqsanynda Qazaqstannyń taǵy da 6 qalasyna qoljetimdi boldy
«Qazaqtelekomnyń» enshiles kompanııasy «ALTEL» AQ osydan týra bir jyl buryn jáne Qazaqstanda birinshi ret joǵary jyldamdyqtaǵy jelige jatatyn LTE tórtinshi býynyn iske qosty. Memleket basshysynyń tapsyrmasy jáne ınternetti halyqtyń qalyń bóligine qoljetimdi etýdi qamtamasyz etetin málimetterdiń keń jolaqty berilisin strategııalyq damytý baǵdarlamasy aıasynda júzege asyrylatyn bul joba eń alǵash Astana jáne Almaty qalalarynan bastaý aldy.
ALTEL 4G jańa býynynyń qyzmeti Astana jáne Almatydan keıin ústimizdegi jyldyń 20 jeltoqsanynda Qazaqstannyń taǵy da 6 qalasyna qoljetimdi boldy
«Qazaqtelekomnyń» enshiles kompanııasy «ALTEL» AQ osydan týra bir jyl buryn jáne Qazaqstanda birinshi ret joǵary jyldamdyqtaǵy jelige jatatyn LTE tórtinshi býynyn iske qosty. Memleket basshysynyń tapsyrmasy jáne ınternetti halyqtyń qalyń bóligine qoljetimdi etýdi qamtamasyz etetin málimetterdiń keń jolaqty berilisin strategııalyq damytý baǵdarlamasy aıasynda júzege asyrylatyn bul joba eń alǵash Astana jáne Almaty qalalarynan bastaý aldy.
Joǵary tehnologııalyq debıýt óte sátti bolyp shyqty. Bir jyldyń ishinde 100 myńǵa jýyq abonent álemdegi eń zamanaýı baılanystyń 4G standartyna kóshti. Onyń ústine 2013 jylǵy ár aı saıynǵy ósý qarqynyn esepke alatyn bolsaq, qyzmettiń bul túrine abonentter suranysy óte joǵary ekendigin kóremiz. Jańa jylǵa 10 kún qalǵanda, ıaǵnı 20 jeltoqsanda «ALTEL» AQ Aqtaý, Atyraý, Aqtóbe, О́skemen, Shymkent jáne Qaraǵandy sekildi 6 oblys ortalyǵynda LTE jelisin kommersııalyq paıdalanýdyń bastalǵandyǵyn jarııalady. Kompanııa 2015 jyldyń basynda 4G tehnologııasymen LTE jelisin 50 myńnan astam turǵyny bar barlyq eldi mekenderge jetkizýdi josparlap otyr. «Jarııalanǵan statıstıkalyq derekterge qaraǵanda, ótken qazan aıynyń sońynda álemdegi LTE jelisine qosylǵan abonentterdiń sany 135 mln. deńgeıinde qalyptasqan. Mundaǵy negizgi úles AQSh, Ońtústik Koreıa jáne Japonııa elderine tıesili. Degenmen, Qazaqstanda qalyptasyp otyrǵan qazirgi qarqyn deńgeıi kókirekke maqtanysh pen órshildik sezimin týǵyzatyndaı. GSM Association málimetterine qaraǵanda, 2013 jyldyń tamyz aıynda LTE-ni engizgen operatorlardyń 85 paıyzy LTE abonentteriniń sanyn 50 myńǵa jetkize alǵan joq. Al «ALTEL» bolsa, tek eki qalanyń ózinen ǵana osy segmenttiń 100 myńǵa jýyq abonenttik bazasyn qalyptastyra bildi», degen «ALTEL» AQ vıse-prezıdenti, LTE jelisiniń kommersııalyq dırektory Irına Savınanyń dáleldi sózi kompanııaǵa degen senimdilikti odan ári arttyra tústi.
Joǵary jyldamdyqtaǵy ınternet tabynýshylarynyń basty dálelderine nazar aýdaratyn bolsaq, LTE jelisiniń 3 G jelisinen orta eseppen alǵanda 10 ese jyldam ekendigine kóz jetkizemiz. О́ıtkeni, ALTEL 4G qyzmetin paıdalanýshy abonentterge málimetterdiń berilý jyldamdyǵy sekýndyna 100 Mb deıin jetkiziletin bolady. Mundaı jyldamdyq online rejiminde telebaǵdarlamalar, fılmder kórip, habarlar, fotobeıne, mátindik aqparattar paketterimen almasýǵa múmkindik beredi. Servıske qoljetimdilikti 4G kodtaıtyn: planshet, USB-modem jáne ınternetti 10 qurylǵyǵa deıin tarata alatyn mobıldik Wi-Fi roýteri qamtamasyz etetin bolady. Aıtpaqshy, Qazaqstanda LTE jelisi 1800 Mgs dıapazonynda jumys isteıdi. Jańa jyl qarsańynda «ALTEL» óz ómiriniń sapasyn ózgertýdi arman etetin jandarǵa «Welcome pro» aksııasy boıynsha óte tartymdy baǵamen qural-jabdyqtardy usyna alady: Huawei 3272 USB-modemin - 4900 teńgege jáne Huawei 5372 Wi-Fi mobıldik roýterin bar bolǵany 9900 teńgege satyp alýǵa bolady. Satyp alynǵan qural-jabdyqqa kompanııa bir aıǵa 99 Gb ınternet-trafıgin syıaqy esebinde usynady. Aksııa aıaqtalǵannan keıin abonentter óz kóńilderi qalaǵan kez kelgen tarıftik jospardy tańdaı alady. «ALTEL-diń» Almaty, Astana, Atyraý, Aqtaý, О́skemen, Qaraǵandy, Aqtóbe jáne Shymkent qalalaryndaǵy satý ortalyqtaryna asyǵyńyzdar: aksııa 2014 jyldyń 31 qańtaryna deıin jalǵasady.
Sondaı-aq, LTE jelisin kommersııalyq iske qosýǵa baılanysty «ALTEL» AQ 20 jeltoqsannan bastap Aqtaý, Atyraý, Qaraǵandy, О́skemen jáne Shymkent qalalarynda JET tarıftik usynysyn satýdy toqtatady. Kompanııa JET abonentterine arnalǵan ALTEL 4G-ge jeńildikpen kóshýge usynys jasaıdy. Máselen, JET abonentteri ózderiniń 3G USB-modemin 4G qoldaıtyn modemge bar bolǵany 550 teńgege aıyrbastaı alady – bul usynys 2014 jyldyń 31 qańtaryna deıin áreket etedi. Aýysýdy rásimdeý jáne qural-jabdyqtardy aýystyrý úshin abonentter «ALTEL» AQ-tyń Aqtaý, Atyraý, Aqtóbe, Qaraǵandy, О́skemen, Shymkent qalalaryndaǵy Satý jáne qyzmet kórsetý ortalyqtaryna habarlasýy qajet. EVDO jelisin sóndirý 2014 jyldyń 1 aqpanyna josparlanǵan.
Suńǵat ÁLIPBAI,
«Egemen Qazaqstan».
