– Kemeńgerlik pen kemeldikke jarqyn kóńilmen kelip otyrsyz. Sizdiń óleńderińiz arqyly jas urpaq taǵylymdy tárbıe ala bildi. Osy topyraqta týyp-ósip, shyǵarmalarymen ulttyq ádebıetti baıytqan aqıyq aqyn Asqar Toqmaǵambetov, qyrǵı tildi Qaltaı Muhamedjanov, sóz zergeri Ábirash Jámishev, aqyndar Zamaddın Ibadýllaev, Balashbek Shaǵyrov, Qaıyrbek Asanovty jáne ózińizdi jerlesterińiz maqtanysh etedi, – dedi Talǵat Tursynuly.
Aýdan basshysy mereıtoı ıesine shapan jaýyp, syı-qurmet kórsetti.
Muhtar Janalhanuly Syrdarııa aýdandyq «Tirshilik tynysy» gazetinde 40 jyl jumys jasap, korrektor, ádebı qyzmetker, bólim meńgerýshisi, jaýapty hatshy, baspahana dırektory qyzmetterin abyroımen atqarǵan. «Kóńil shýaǵy», «Qaıyrly tań, týǵan jer!» sekildi birneshe jyr-jınaqtyń avtory.
Qart qalamger ózine kórsetilgen qurmetke rızashylyǵyn bildirip, batasyn berdi.
